Un cruceiro do escultor Guillermo Feal en Alaska

Juan J. Burgoa
Durante varios anos da miña vida percorrín Galicia e os Camiños de Santiago localizando e fotografando varios milleiros de cruceiros e cruces de pedra, que logo presentei en diversas publicacións, revistas e congresos . Fixen tamén algunhas incursións por varios lugares de España, Portugal e Bretaña na busca destas fermosas mostras da arte popular. Mesmo localicei algún escaso exemplar en Cuba, Argentina, Uruguay e Estados Unidos.

Cando menos o esperaba, fai poucos días, pescudando a vida de Guillermo Feal, un escultor de Magalofes (Fene), ao que coñecín cando eu era neno e Feal xa tiña un obradoiro en Ferrol, xunto ao cine Galicia (o chamado “cine das zocas”), cerca do cruce de Fajardo, decateime que o devandito escultor fixera un cruceiro aló polo ano 1980 con destino a Alaska.

Guillermo Feal fixera este cruceiro de granito de Parga no seu obradoiro por encargo do xornal de Santiago “El Correo Gallego”, que dalgún xeito quería lembrar a morte do coñecido naturalista Félix Rodríguez de la Fuente e o seu equipo nun accidente de aviación sufrido o ano 1980 na localidade de Anchorage (Alaska), unha afastada paraxe do norte do continente americano.

Lea también

Juan Durán. Audiencia real

Julia Mª Dopico Vale El Maestro Juan Durán, uno de los compositores gallegos más importantes …