A Concellería de Formación de Narón abrirá o vindeiro luns o prazo de inscrición en catro novas accións formativas

O Concello convoca catro novas accións formativas dirixidas nesta ocasión a persoas empadroadas en Narón, maiores de 18 anos e desempregadas. A concelleira responsable da área, Natalia Hermida, avanzou que o vindeiro luns, día 15, se abrirá o prazo de inscrición nestes cursos, sobre: Medio Ambiente e PRL Sector Naval, Hixiene alimentaria para manipuladores de alimentos, Primeiros auxilios, e Traballos en altura e verticais con vinte prazas en cada un dos tres primeiros e doce no último. “O Concello programa ao longo do ano unha ampla e variada oferta formativa dirixida a diferentes colectivos e, na actualidade, estamos xa traballando nos cursos que se celebrarán ao longo do vindeiro 2019”, indicou Hermida.

O curso de Traballos en altura e verticais impartirase entre o 5 e o 16 de novembro e o de Medio ambiente e PRL Sector Naval do 19 de novembro ao 22 do mesmo mes.

O curso de Hixiene alimentaria para manipuladores de alimentos e o de Primeiros auxilios desenvolverase nunha xornada única, o día 3 de decembro e día 10 respectivamente, con 5 horas de formación cada un deles.

En todos os casos trátase de accións formativas, tal e como apuntou Hermida, que se impartirán no Centro Municipal de Formación Irmás Froilaz, na Gándara.

O prazo de solicitude permanecerá aberto ata o 26 de outubro e o lugar de presentación das mesmas é no Rexistro Xeral do Concello –en horario de 8.30 a 13.30-, donde se pode obter, ademais de a través de na Sede Electrónica, o formulario de solicitude. Tamén se poden presentar as instancias nos rexistros especificados na Lei 39/2015 do 1 de outubro de Procedemento Administrativo Común das Administracións Públicas.

Para máis información pódese contactar co Servizo Sociocomunitario Municipal, a través do número de teléfono 981 377 700 (extensións: 2602, 1123, 1120 e 1107). A información sobre o procedemento pode tamén consultarse na páxina web do Concello, a través do enlace: http://www.naron.es/web/docs/formacion/novasAccionsFormativas.pdf.

Lea también

Un total de oito comparsas participarán este sábado no Festival do Entroido organizado polo Padroado da Cultura de Narón

Un total de oito comparsas daranse cita este sábado, día 22, no Festival de Entroido …