Emilio Mesías Farías encabezará a lista do BNG en Ares ás próximas municipais

O BNG de Ares celebrou o acto de presentación do candidato á Alcaldía para as municipais 2019, coincidindo co primeiro dos actos informativos que a organización nacionalista organiza anualmente baixo a denominación de “Encontros veciñais polas parroquias”.

A Asemblea Local de Ares refrendou hai uns días a candidatura de Emilio Mesías, quen leva dende o 2011 como concelleiro-portavoz do BNG no Concello de Ares, coa idea de acadar o número suficiente de actas para poder levar adiante o seu “programa de Concello centrado nas persoas”.

No acto de presentación, o candidato expuxo o que van ser as bases do programa electoral no que comezarán a traballar de inmediato, logo de facer unha análise e valoración da situación actual do Concello de Ares así como das políticas levadas a cabo nos últimos dez anos de mandato socialista “coa muleta de NAL e SON de Ares.”

Un proxecto no que a boa xestión económica sexa unha prioridade, que garanta os servizos básicos aos veciños e veciñas e que apoie o comercio local e a creación dun viveiro de emprendemento, serán algúns dos alicerces nos que se sustentará o programa electoral.

Os encontros veciñais continuarán o sábado 17 no CIRS de Cervás e o domingo 18 na AI de Caamouco, ás 12.30 h.

Lea también

El incendio en un piso de Maniños, Fene, obligó al desalojo de todos los vecinos de las viviendas

Pasadas las cinco y cuarto de la tarde de este domingo desde el CIAE-112 se …