Narón edita coa Asociación Memoria Histórica Democrática a publicación “A pandemia de gripe en Narón en 1918”

Instante da reunión | Concello de Narón

A concelleira de Cultura, María del Carmen Espada, reuniuse esta mañá con representantes da Asociación Memoria Histórica Democrática, para entregarlles exemplares da publicación “A pandemia de gripe en Narón en 1918”. O presidente da entidade, Manuel Fernández, o historiador Enrique Barrera e Eduardo Ponce e Fernando Ocampo, integrantes da citada asociación, amosaron a súa satisfacción polo resultado final desta publicación realizada con datos recompilados desde Asociación Memoria Histórica Democrática.

O centenar de exemplares distribuiranse nos colexios e institutos da cidade e tamén nas asociacións veciñais da zona urbana e rural, tal e como avanzou a concelleira. “Nos centros educativos poderán traballar con esta publicación a modo de unidade didáctica, para coñecer máis esa pandemia de gripe que no ano 1918 se cobrou tantas vidas no noso concello e nesta comarca”, explicou. Así mesmo, coa entraga ás entidades veciñais “desde o Concello contribuiremos a incrementar o seu fondo bibliográfico, poñendo a disposición os exemplares para que calquera veciño ou veciña que queira consultalos poida facelo sen problema”, apuntou Espada.

O autor do texto publicado, Enrique Barrera, incidiu en que os feitos relatan a historia “dunha pandemia mundial que aquí foi seguramente máis mortífera non tanto polo número de falecidos, senón porque se concentraron os feitos en dúas ou tres semanas”. O historiador asegurou que naquela época “non houbo ningún protocolo de actuación e non se fixo nada por evitar esta epidemia» e explicou que “as condicións de Narón non foron demasiado malas porque ao ser unha zona rural era máis saudable que o resto”.

Esta publicación céntrase nunha parte da historia, concretamente no ano 1918, cando unha mortífera cepa de gripe matou a millóns de persoas en todo o mundo. Na mesma reflíctese a incidencia destes feitos na cidade, donde esta praga letal se cobrou varias vidas, tal e como constatan os datos recompilados.

Sobre o resultado do traballo, o presidente da Asociación Memoria Histórica Democrática, Manuel Fernández, incidiu en que está “moi satisfeito” e destacou que o traballo se enmarca “nunha liña distinta á da reivindicación das represalias polo franquismo pero que consideramos de gran interese Enrique e eu ao ver no Rexistro Civil de Narón o elevado número de mortos rexistrados ese ano, considerando que era interesante publicalo”.

A edil recalcou que “o obxectivo desta colaboración entre o Concello e a Asociación Memoria Histórica Democrática é transmitir eses coñementos históricos en tódolos ámbitos, educativo, cultural, social…” e felicitou á Asociación Memoria Histórica Democrática polo seu labor.

Lea también

La Asociación de Hosteleros de Narón y Ferrolterra acuerda con el concello de Narón la ampliación del horario de cierre durante Semana Santa

La Asociación de Hosteleros de Narón y Ferrolterra ha dirigido una solicitud formal al Ayuntamiento …