O BNG censura ao goberno local polo retraso nas axudas do bonobús universitario

O Bloque Nacionalista Galego de Ferrol censura a demora do goberno local por publicar a convocatoria de axudas para acceder ao bono bus universitario o que obriga as persoas usuarias deste servizo, que se teñen que desprazar diariamente aos campus univeristarios da cidade da Coruña, a pagar integramente estes desprazamentos desde o inicio do curso escolar.

Para os nacionalistas, «incomprensibelmente cando o primeiro trimestre do curso universitario esta case chegando ao seu fin o goberno local continúa sen dar sinais de vida sobre as súas intencións con respecto a estas axudas que ofrecía todos os anos, que se comprometeu a ofertar tamén este curso, e que esta a causar importantes perxuizos nas familias que gozaban desta axuda ao teren que asumir integramente o custo deste servizo que ronda os 500 € nos dous meses que levamos de curso«.

O BNG considera que non existe ningunha xustificación para que o goberno local de Ferrol non teña a día de hoxe tramitado estas axudas. O BNG considera reprobable a actitude do goberno local «xa que a consecuencia deste xeito de actuar é o prexuízo claro que sofren os veciños e as veciñas da nosa cidade sobre todo aquelas familias que se atopan nunha situación económica máis precaria».

Desde o BNG queren mostrar a nsúa preocupación por esta situación e demándanlle ao goberno da cidade que empregue todos os recursos necesarios para desbloquear estas axudas.