As mulleres do Triatlón Ferrol, campioas galegas de dúatlon cros

O Triatlón Ferrol no máis alto do podio | Triatlón Ferrol

Tere Barreira liderou o equipo do Triatlón Ferrol que este domingo logrou o campionato galego de dúatlon cros.

No primeiro sector a pé, Barreira só lle permitiu a unha rival seguirlle o ritmo pero sobre a bicicleta de montaña non tivo oposición, marcando o mellor parcial, e con marxe no último tramo de carreira para cruzar a meta como campioa galega da especialidade.

Por detrás, Mar Delgado foi moi regular para manterse en postos de podio, colgándose o bronce. Entrando en top-5, Fátima Paz certificou que o club ferrolán foi o máis rápido do campionato galego.

Na categoría masculina, Edu Saavedra finalizou en 17ª posición e con Jose Ferraces -42º- e Ricardo Fernández -43º- colocaron o Triatlón Ferrol como sexto clasificado do campionato galego de dúatlon cros.

Completaron a participación local, Alberto Caneiro -54º-, Manu Pita -56º-, José Antonio Vidal -76º- e o dúo de relevos da proba popular formado por Juanchi González e José Antonio Torviso, segundos clasificados.

Lea también

Narón acolle o “XXIII Trofeo de Baile Deportivo Cidade de Narón” e o “Campionato Galego de Standard”

O concelleiro de Deportes, Ibán Santalla, e o presidente do Club de Baile Deportivo Narón, …