Valdoviño celebra a súa I Gala do Deporte

Porta do Sol – Concello de Valdoviño

O auditorio da Casa da Cultura acollerá este venres 22 de marzo a primeira edición da Gala do Deporte de Valdoviño, organizada pola Concellería de Deportes que dirixe Sergio Saavedra. Un acto de entrega de galardóns co que o Concello, segundo explicou o alcalde, Alberto González, quere recoñecer e pór en valor os méritos dos deportistas locais ao longo do pasado exercicio, pero tamén o incrible labor de entidades, clubes e veciños a prol da promoción do deporte no Concello. O acto dará comezo ás 20 horas, presidido polo rexidor e conducido polo xornalista Raúl Salgado.

Nesta liña, Alberto González quixo tamén agradecer a colaboración dos xornalistas deportivos da comarca, que participaron xunto a representantes municipais no xurado que valorou as candidaturas. E, en concreto, aludiu a Juan Quijano (Diario de Ferrol), José Valencia (La Voz de Galicia), Santiago Rey (Cadena Cope), Adán Puentes (Galicia Ártabra Digital) e o propio Raúl Salgado (Cadena Ser e Ferrol360). Así mesmo, avanzou que os galardóns recoñecerán a deportistas das seguintes especialidades: atletismo, baloncesto, body board, caza, fútbol, fútbol sala, ximnasia rítmica, karts, natación, patinaxe artística, pesca, remo olímpico, surf, tenis, tiro con arco, triatlón e waterpolo. Ademais, haberá diferentes mencións especiais e, ao remate da gala, darase a coñecer ao mellor deportista local do 2018.

Nesta liña, Alberto González sinalou que estes galardóns nacen con vocación de continuidade e que calidade sobra no ámbito deportivo en Valdoviño, polo que augurou unha longa vida á cita deportiva.

Lea también

Unha ducia de medallas para a Escola Javi Gómez Noya na final provincial de dúatlon escolar de Fene

A Escola Javi Gómez Noya logrou un total de doce medallas na final provincial de …