Asombrosa vitoria de Iván Puentes para proclamarse campión galego de dúatlon

Tere Barreira e Iván Puentes coas súas medallas | Triatlón Ferrol

O Triatlón Ferrol protagonizou o campionato galego de dúatlon ao contar co campión, Iván Puentes, a medallista de
bronce, Tere Barreira, e ao ser o equipo feminino subcampión galego.

Na categoría masculina, Iván Puentes foi o primeiro sorprendido polo seu rendemento despois dunha primeira carreira a pé na que regulou en cabeza, meteuse nun trío destacado e traballou en bici para meterlles máis segundos de vantaxe aos perseguidores. Ao rematar o ciclismo, o canteirán da Escola Javi Gómez Noya realizou a transición máis rápida e correu sen mirar atrás para celebrar na meta co equipo ferrolán que era o novo campión galego da disciplina.

O sub-23 Puentes logrou igualmente o campionato na súa categoría de idade e Juan Rejas foi subcampión galego junior.

Pola súa banda, Tere Barreira foi unha das mulleres que marcou un mellor parcial ciclista e iso, sumado á súa regularidade a pé, valeulle para cruzar a meta en terceira posición, a menos de 15 segundos da internacional Edymar Brea. Por categorías, Alba Méndez gañou en cadete –aínda que nesta xornada non se decidía o campionato galego nesta idade-, Barreira conseguiu o campionato en veteranas 1 e Fátima Paz levou a medalla de ouro en veteranas 2. As tres duatletas, cos seus tempos, foron o segundo mellor club do campionato galego.

Lea también

O Parrulo Ferrol pondrá el viernes a la venta las entradas para el partido ante Pescados Rubén Burela

Este sábado O Parrulo Ferrol vuelve a jugar delante de su afición en el Pabellón …