O “No la cambies Team” gaña o X Tetramaratón de San Sadurniño

No la cambies Team co trofeo de campions do Tetramaratón | Concello de San Sadurniño

Pasadas as 19.00h deste día de Xoves Santo rematou no Pavillón Municipal o X Tetramaratón de San Sadurniño. O gañador foi o “No la cambias Team”, quen se impuxo ao “Mesón O Forno” na final a catro partidos. No primeiro encontro -baloncesto- gañou o “No la cambies..”, no partido de volei houbo empate e no terceiro venceu o “Mesón O Forno”, polo que todo se decidiu no último enfrontamento, disputado a hóckey.

Foi un partido bronco, con constantes interrupcións e enfrontamentos verbais dun e doutro lado entre si e co árbitro. Á postre, e nun clima tenso malia tratarse dun evento puramente deportivo, o vencedor foi o “No la cambias Team”, por un marcador de 4 goles a 2. O premio ao fair-play foi para o equipo “Os Veteranos”, sen dúbida o de maior promedio de idade.

Polo resto, todo ben. A xente disfrutou, mallou, suou e ofreceu un fantástico espectáculo deportivo presidido polo humor e a camaradería. Non houbo lesións reseñables máis aló da leve escordadura de Marcos Piñón “Pakito” -xogador do “Mesón O Forno”- no primeiro dos partidos da rolda final.

Lea también

Los árbitros de fútbol de Ferrol inauguraron su nueva temporada

En la tarde del viernes 23 de agosto tuvo lugar en el aula Evaristo Puentes …