O BNG presenta a súa lista para as eleccións municipais “con expoñentes dos principais movementos reinvindicativos na cidade”

Iván Rivas xunto cos seus compañeiros e compañeiras na lista para as eleccións municipais | BNG

O Bloque Nacionalista Galego de Ferrol fixo oficial hoxe a súa candidatura de cara os vindeiros comicios municipais de maio. Unha candidatura de persoas “dispostas a dar a cara para rematar cos abusos aos que os diferentes gobernos (locais, autonómicos e estatais) levan sometendo á cidade de Ferrol ao longo de todos estes anos“.

Dende a formación as definen coma “persoas inconformistas que teñen participado con valentía na resolución dos grandes conflitos desta cidade“, como é a situación dun transporte público “que segue en mans de empresas privadas coa complicidade dos gobernos locais e autonómicos“, e que veciños e veciñas de Brión, como Josefa Bra Fernández, tesoureira da A.V.V. de Brión, teñen participado xunto aos de San Felipe, Mandiá e moitos outros da zona rural, “para reivindicar un servizo básico e necesario para o conxunto da cidade“.

Veciños tamén, como María Riveira Filgueiras, presidenta da A.V.V. de Santa Mariña, e o seu compañeiro na asociación e tesoureiro da mesma, Jose Ramón López Carreira, “que se enfrontaron á indolencia con que administracións públicas e empresas dependentes delas, como o ADIF, teñen tratado aos diferentes barrios da cidade como acontece en Santa Mariña, coa situación lamentable dun muro de contención que segue sen asumirse a responsabilidade da súa reparación por parte da administración estatal“. Ou veciños e veciñas que teñen posto de relevo as grandes necesidades de ámbitos da cidade “como o abandono da zona rural“, coa participación de membros da A.V.V. de Mandiá como Tania Rei.

Xunto a eles, expoñentes do rico tecido cultural e da nosa capacidade de expresión propia, como Xoan Padín, músico, “reivindicando as nosas grandes potencialidades“. Representantes dos mestres e mestras “comprometidos cun ensino público e plural” como Antonia Martínez Díaz, mestra e secretaria Comarcal da CIG ensino.

Tamén dos e das activistas de Ferrol como Xose Antón Múñiz Tenreiro, presidente da Delegación Local de ADEGA, na procura “dun Ferrol sustentable onde espazos como a fraga de Menáncaro continúan nun limbo xurídico desde hai anos e que só se entende porque o resto de organizacións políticas se negan a asumir que esta cidade non pode seguir ligando o seu futuro urbanístico ao desenvolvemento de novas urbanizacións e que o obxectivo principal debe pasar por recuperar o xa construído e protexer a nosa riqueza medioambiental“.

E como non, “persoas que forman parte do principal tecido produtivo da cidade, no seu eslavón máis débil, traballadores e traballadoras da industria auxiliar” como Roberto López Suárez, mecánico e delegado sindical na industria auxiliar de Navantia ou David Galdo, delegado sindical no metal, “que loitarán contra o silencio cómplice dos que avalan un novo proceso de reestruturación do naval ferrolán e a precarización das condicións laborais dos e das traballadoras da industria auxiliar“.

Esta é a lista do BNG para as eleccións municipais:

1 Iván Rivas Rico, Arquitecto, actual portavoz municipal
2 María do Mar López González, licenciada en Filoloxia Galego-Portuguesa e Mestrada en Patrimonio Cultural pola UDC
3 Roberto Montero Castrillón; Responsábel Local do BNG, delegado sindical na Industria auxiliar
4 Ana Ma Vérez Gómez, Administrativa
5 Xan Carlos López Pereira, Autónomo ligado ao mundo da hostalería
6 Antonia Martínez Díaz; Mestra, Secretaria Comarcal da CIG ensino
7 Santiago Moreda Pérez; autónomo, Membro da Directiva da A.V. de Canido
8 Maria Riveira Filgueiras, Presidenta da A.V.V. De Santa Mariña
9 Xoan Padín Hermida, mestre e músico
10 Maria Yañez Gato, Bibliotecaria na UDC
11 Xoan López Pérez, Funcionario da Xunta de Galiza.
12 Remedios Moreira Vales, Xubilada
13 Ramón Fernández Alfonzo, Secretario de Organización da CIG Ferrolterra
14 Rita Lazare Fouce, traballadora do CAMF
15 Celso Posada Fernández, Mestre e activista social
16 Ana López Pereira, empregada
17 Roberto López Suárez, mecánico, Delegado sindical na industria auxiliar de Navantia
18 Laura Maroto Lourido, autónoma
19 Jorge M. Deza Rey, Psicólogo, Historiador do Fútbol e do Racing de Ferrol
20 Tania Rei, empregada, membro da A.V.V. de Mandiá
21 Antonio Rendal Seoane, camareiro
22 Josefa Bra Fernández, Secretaria da A.V.V, de Brión
23 Jose Ramón López Carreira, Tesoureiro da A.V.V. de Santa Mariña
24 Luisa Sánchez Meizoso, bióloga
25 Xose Antón Múñiz Tenreiro, Presidente da Delegación Local de ADEGA

Suplentes

S1 David Galdo Canido, delegado sindical no metal
S2 Celsa Garcia Pérez, profesora xubilada
S3 F. Borxa Gonzalez Tenreiro, tradutor

Lea también

O Concello de Ferrol anuncia que aínda hai dispoñibles 62 prazas de teleasistencia a persoas maiores

A concelleira de Benestar Social, Eva Martínez Montero, explicou que o Concello de Ferrol atende …

Un comentario

  1. O sea, que si quitamos que el transporte urbano no es público y la reestructuracón de una empresa de la SEPI las propuestas son tirar un muro y que unos terrenos privados sean protegidos de sus propietarios.

    A mí ya me habéis convencido, qué pedazo de programa.