“Apostaremos polo turismo náutico,que cotiza á alza”. (Rey Varela)

O candidato á Alcaldía de Ferrol, José Manuel Rey Varela, denunciou a falta de políticas activas de emprego do tripartito da parálise- Mareas, os dous PSOEs e BNG-, que dedicou máis tempo a pelexarse que a poñer en marcha políticas activas de emprego e medidas para fomentar o crecemento demográfico.

“Pronto pecharon as portas e xanelas, que prometían ter abertas, estiveron encerrados nos despachados sen escoitar as demandas de emprendedores, comerciantes e hostaleiros, autónomos e os mozos. O tripartito da parálise estes catro anos non tivo política económica nin de emprego. Sen programas de formación, sen talleres de reinserción laboral, sen axudas para o emprendemento”. “Así viviron os pequenos empresarios da nosa cidade, con cero iniciativas do tripartito da parálise condenándoos en moitos casos para pechar os seus negocios. É a política do cero esforzo dun tripartito que nin se ocupou, nin se ocupará de xerar emprego en Ferrol”, advertiu Rey Varela.

Xerar as condicións para a promoción económica e o emprego é un dos eixos do noso proxecto de cidade e a ría e o porto son uns desa motores clave de oportunidades”. Traballaremos desde o Concello de Ferrol buscando o apoio doutras administracións para poñer en marcha iniciativas que xeren emprego. Eliminaremos trabas administrativas para facilitar a apertura de novos negocios, habilitaremos axudas para os comerciantes que consolidaron os seus establecementos e ofreceremos chan industrial grazas ao convenio co Ministerio de Defensa.

Apostaremos polo turismo como unha fonte de ingresos. Quero un Ferrol activo, con novos veciños, novos comercios e locais de hostalería, con empresas que xeren emprego e turistas que fixen Ferrol como primeiro destino vacacional”, afirmou.

“Somos a alternativa real, cun plan estratéxico integrado por medidas que deseñadas polos ferroláns e entre esas medidas atópase o impulso ao deporte náutico (Medida 93 eixo Emprego e crecemento económico)”.

Turísmo náutico

“Apostaremos polo turismo náutico que cotiza á alza. Máis de 10.000 embarcacións de recreo recalan na costa galega e permanecen unha media de entre dúas e tres días, o que supón unha importante fonte de ingresos para moitos portos deportivos. Debemos aproveitar o potencial que ten a nosa ría e as nosas praias para impulsar os deportes náuticos, para que Ferrol ocupe o espazo que lle corresponde neste tipo de turismo”.

Contamos con portos deportivos e colaboraremos coa APFSC para dispoñer de novos puntos de amarre nos pantaláns, abrindo a posibilidade de que nos visiten máis turistas a través da vía marítima. E tamén colaboraremos coa Xunta de Galicia para promocionar a Travesía Náutica Xacobea, aproveitando que o 2021 é ano Xacobeo e que Ferrol é o inicio do roteiro do Camiño Inglés.

Os amantes dos deportes acuáticos teñen as condicións necesarias para practicalos aquí. Desde o wind e o skysurf en Esmelle, ata surf e bodyboard en Doniños e Covas, pasando polo remo, a vela, o padelsurf e o mergullo na ría ademais da pesca deportiva.

Estes deportes poden ser practicados en calquera época do ano, podendo desestacionalizar a oferta turística. “Queremos que Ferrol convértase nun lugar de referencia na náutica recreativa e deportiva da costa atlántica, orgullosos de poder presumir da nosa ría e das nosas praias”.

“Pero para conseguilo necesito o apoio de todos os ferroláns xa que só hai dúas opcións: catros anos máis de parálises do tripartito ou o cambio para que gañemos todos, para que gañe Ferrol”, concluíu o candidato á Alcaldía, José Manuel Rey Varela.

Lea también

Miguel Tellado: “Os populares seremos responsables e útiles”

El secretario general del PP de Galicia, Miguel Tellado, acudía en la mañana del sábado …