O BNG de Narón reúnese para presentar as medidas nas parroquias con críticas ao goberno local

O BNG de Narón presenta no seu programa 179 medidas consensuadas con colectivos, entidades e máis de cen persoas que participaron na súa elaboración. A respecto do rural piden “unhas parroquias cohesionadas e cos mesmos servizos que na zona urbana como pode ser a plataforma única e un transporte público axeitado. Asi mesmo, abastecemento de fibra óptica e accesos seguros e posta en valor de todo o patrimonio material e inmaterial que teñen as nosas parroquias” anunciou Olaia Ledo nos actos que están a facer no rural e repartos.

“Non é de recibo que nun día se faga unha pista multideporte en Xuvia no medio dunha campaña e non se faga nada en catro anos como tirar, facía moita falla pero tamén pistas deportivas cubertas noutras parroquias ou unha nova piscina climatizada. Hai que pensar en conxunto e facer obras en todas as parroquias. Por iso nós pedimos que os orzamentos teñan cotas parroquiais que obriguen a investir en todas elas” sinala Olaia.

O BNG saneou as contas do concello

“Tirar o cuartel de xuvia é prioridade e crear o complexo que reclaman os veciños agora que o BNG foi quen de sanear as contas do concello” recordou a candidata á alcaldía.

Entre as medidas recollidas do BNG inclúe unha nova escola infantil pública no rural, fondos para o emprendemento nos sectores primarios, formación específica en transformación de produtos ou a mesma seguridade na zona rural e urbana. “Temos un rural capaz de producir de todo e que podería xerar emprego de calidade ou como actividade complementaria se dotamos de ferramentas”.

O BNG critica que se anuncien obras faraónicas en campaña e se desatendan as necesidades das persoas de todas as condicións . O seu lema “Narón funciona pero aínda non ilusiona” pretende incidir nisto ao igual que os videos que realizan anunciando o seu programa.

Lea también

Un trabajador de la construcción herido en un accidente laboral en Narón

Sobre las doce menos cuarto de la mañana de este lunes se registró un accidente …