Mato establece o saneamento do rural como un «compromiso irrenunciable»

Fot Adán Puentes

O rural leva moitos anos demandando obras de saneamento e o meu compromiso irrenunciable pasa por traballar coa Xunta para poder acometer as actuacións necesarias que rematen cunha demanda histórica da veciñanza”. Así se manifestaba esta mañá o candidato socialista á alcaldía de Ferrol, Ángel Mato, que presentou algunhas das propostas máis relevantes relativas á zona rural de concello.

E o saneamento é, sen dúbida, a principal intervención que o rural precisa, unha vez, ademais, que a zona urbana xa ten rematada a tamén “faraónica” obra da depuradora. Por iso, o cabeza de lista do PSdeG-PSOE ten incluido este punto nos “10 acordos de cidade”, presentados a pasada semana, xa que, como destacou, “se trata dun dos temas estratéxicos que ten Ferrol para poder afrontar o seu futuro e, polo tanto, precisa do consenso das forzas políticas para poder sácalo adiante á maior brevidade posible”.

De feito, Mato lembrou que o Concello ten que traballar da man da Xunta de Galicia para obter os fondos e desenvolver o proxecto que poña fin a unha demanda que levan reclamando varias décadas os veciños e veciñas dos diferentes ámbitos do municipio que aínda nos dispoñen deste servizo básico.

O mantemento da zona rural é outro dos compromisos da candidatura socialista. A este respecto, Ángel Mato destacou que a falta de atención a cuestións “básicas”, como o coidados dos parques e espazos de lecer, dos camiños e estradas –firmes e beirarrúas-, dos puntos de luz e, sobre todo, dos desbroces, é unha constante das queixas veciñais, tal e como lle trasladaron ao longo destes meses nas reunión desenvolvidas coas entidades das diferentes parroquias ferrolás. Por iso, o candidato socialista apostou por recobrar e normalizar os servizos como uno dos seus primeiros obxectivos, no caso de que o 26 de maio acade a maioría cidadá para gobernar Ferrol.

Ademais de manter en bo estado os espazos públicos, Mato anunciou o seu compromiso de descentralizar a cultura e o deporte, de modo que a celebración de actividades e eventos deportivos non se limite a unha única zona, senón que todos os barrios, lugares e parroquias de Ferrol conten cunha oferta de lecer que as faga atractivas e que, fundamentalmente, axude a dinamizar o municipio na súa totalidade. Obras de teatro, actuacións musicais, contacontos, campionatos de deporte de base ou rutas de sendeirismo ou bici son algúns exemplos de actividades que se poden desenvolver e mesmo levar a cabo de forma itinerante por parroquias para promover a participación veciñal en todas as idades.

Finalmente, aproveitar a enorme riqueza que ten o rural, cun patrimonio natural e histórico inmenso, é outro dos obxectivos de Ángel Mato. Avanzar na ampliación do carril bici e no seu mantemento, traballar na posta en valor do patrimonio e na súa difusión dentro e fóra na nosa cidade, fomentar e potenciar as rutas de sendeirismo, e coidar a nosa costa –os magníficos areais que temos e aproveitalos para a práctica de deportes náuticos e para promocionar un turismo sustentable- son algunhas das propostas do programa socialista que afectan á zona rural de Ferrol.

Lea también

Psoe Ferrol «hai fórmulas para a estabilidade económica de Emafesa sen subirlle o recibo aos veciños»

O grupo municipal socialista cree que «hai outras formulas para conseguir a estabilidade económica de …