Ángel Mato defende unha distribución de dedicacións para os concelleiros que atenda a criterios «de proporcionalidade e de lóxica»

O alcalde de Ferrol, Ángel Mato, mantivo esta mañá unha reunión cos voceiros dos grupos socialista, Julián Reina; de Ferrol en Común, Jorge Suárez, e do Bloque Nacionalista Galego, Iván Rivas, para tratar, entre outros asuntos relacionados co pleno de organización do vindeiro xoves, a distribución de dedicacións da corporación municipal de cara ao presente mandato.

Mato trasladoulles o seu desexo de que esa distribución atendese, no caso dos grupos da oposición, a criterios «de proporcionalidade». Nese senso, defendeu como unha cuestión «de xustiza» que o grupo do Partido Popular conte con cinco dedicacións para os seus concelleiros e non con unha soa, como lle propoñían Suárez e Rivas.

O alcalde lembroulles que o PP, ao que a corporación que presidía Suárez lle concedeu tres dedicacións, conseguiu incrementar nas pasadas eleccións municipais o seu número de representantes, de xeito que «non parece razonable», dixo, esixir que a partir de agora se equipare o seu número de dedicacións ao de forzas políticas que obtiveron tres e dous edís, respectivamente. Para Mato, «debese impoñer a lóxica» da mesma forma que sucedeu en Concellos que se atopan en circunstancias similares ao de Ferrol.

Pola súa banda, Julián Reina explicou con posterioridade á reunión, que a proposta do goberno municipal mantén o gasto con respecto ao mandato anterior e que o reparto de dedicacións «é o máis xusto para que a oposición poida ser efectiva». O portavoz socialista detallou ademáis que o documento que se presentará ao pleno rebaixa en dous o número de asesores e inclúe unha proposta económica «moi similar á dos pasados anos».

Lea también

O Concello reúne a 23 mozos de cinco países no primeiro Masterchef Saudable no mercado de A Magdalena

O Concello de Ferrol, a través da concellería de Xuventude, que dirixe Cristina Prados, acaba …