Os automóbiles clásicos que participan no Rallye Teresa Herrera desfilarán o sábado 17 polo centro histórico de Ferrol

Fot. arch.

O sábado 17 de agosto, os automóbiles clásicos do Rallye Teresa Herrera percorrerán as rúas da Magdalena e Ferrol Vello para que poidan velos todas as persoas que se acheguen ao centro histórico da cidade. O desfile comezará ás 13.30 horas no paseo da Mariña e continuará por Irmandiños, Igrexa, Lugo, Sol, Coruña e María, ata chegar a Amboage, onde dará unha volta arredor da praza. Logo, os coches seguirán polas rúas María, Pintor Imeldo Corral e Espartero para retornar ao paseo da Mariña e quedar en exposición na Cortina durante o resto do día.

Antes, ás 11.30 horas, os participantes serán recibidos no peirao de Curuxeiras polas concelleiras de Turismo, María Teresa Deus, e Patrimonio Histórico, Eva Martínez. Durante a xornada que este ano dedican a Ferrol, visitarán os lugares máis emblemáticos do modernismo no barrio da Magdalena, o Arsenal, o Museo da Construción Naval e Castelo de San Felipe, ademais de facer un pequeno cruceiro pola ría.

O Concello e a Sociedade Mixta de Turismo están entre os patrocinadores do evento, unha iniciativa da asociación Coruña Veteran Car que ofrece aos afeccionados a posibilidade de ver de cerca modelos de practicamente todas as décadas do século pasado, polo que o seu paso polas rúas da cidade constituirá un espectáculo único.

Lea también

Chemi, MVP de O Parrulo Ferrol ante Jimbee Cartagena para el Premio Hyundai

Este miércoles O Parrulo Ferrol recibía al Jimbee Cartagena, en la 20º jornada de la …