O 2 de setembro abrirase o prazo para que as entidades xuvenís soliciten un espazo na Casa da Xuventude

A concellería de Xuventude do Concello de Ferrol, que dirixe Cristina Prados, anunciou que o próximo 2 do setembro abrirase o prazo para que as entidades xuvenís da localidade que o desexen soliciten espazo na Casa da Xuventude. O prazo remata o 1 de outubro.

A concellería de Xuventude ten, entre outros obxectivos, fomentar a participación dos mozos e mozas da localidade en todos os ámbitos sociais impulsando o asociacionismo xuvenil como elemento concreto de participación, facilitando para o mesmo as canles, medios e recursos adecuados. Cada ano, o Concello de Ferrol establecerá un prazo de 30 días naturais para presentar solicitudes á Concellería de Xuventude. Cada unha debe acompañarse do proxecto de actuacións e actividades, fotocopia dos estatutos, o CIF da entidade, identificación da persoa que a representa á entidade, o número de rexistro de entidades do Concello e o seguro de responsabilidade civil.

Unha vez avaliado cada proxecto presentado, a área de Xuventude procederá ao reparto de espazos para a participación social na xestión da Casa, que será como máximo por un ano con posibilidade de prórroga, previa solicitude. As entidades que non consigan espazo pasarán a unha lista de espera.

Segundo explicou a concelleira de Xuventude, Cristina Prados, o obxectivo é “dinamizar a Casa da Xuventude con actividades propostas directamente polas entidades e asociacións xuvenís”. A edil amosou a súa vontade de “escoitar todas as demandas desde colectivo”.

As entidades interesadas poden presentar as súas solicitudes no Rexistro do Concello de Ferrol.

Lea también

Los bomberos de Ferrol dejan de prestar servicio en otros seis municipios de la comarca

El presidente de la junta de personal del Ayuntamiento de Ferrol, Javier Sandá (CSIF), ha …