A biblioteca municipal acolle o xoves 19 o espectáculo “Soul & literatura”

A biblioteca municipal, na Praza de España, acollerá o próximo 19 de setembro, ás 20 horas na planta baixa do edificio, Soul & Literatura, un espectáculo didáctico deseñado coa intencionalidade de poñer en valor a cultura negra así como a relación entre música e literatura. A actuación contará con un coidado repertorio musical interpretado en directo intercalado con lecturas de diversos libros que fan referencia dunha ou outra forma á música.

Os encargados de levar a cabo esta actividade son Iria Mejuto á voz e Richi Rozas á guitarra.

Disciplina Positiva

Dous días antes, o 17 de setembro, ás 17.30 horas, a biblioteca municipal acollerá unha charla de entrada libre sobre Disciplina Positiva. Laura Balado, certificada en disciplina positiva pola Positive Discipline Association e coach familiar e educativa dirixirá a charla, na que explicará cómo entender o comportamento dos fillos e cómo guialos no seu camiño de forma positiva e afectiva pero firme e respectuosa. Tamén abordará asuntos como a empatía, a comunicación o e entendemento das relacións familiares e explicará que a clave está en ensinar competencias básicas para a vida.

A charla dará paso a dous talleres que se celebrarán en outubro e novembro, un dirixido a pais e educadores de nenos pequenos e outro a pais e educadores de adolescentes.

Lea también

O Concello cede a decoración da árbore de Nadal da Biblioteca municipal aos pequenos da cidade

O Concello de Ferrol, a través da concellería de Cultura, que dirixe Antonio Golpe, pon …