Galicia Ártabra Digital Noticias de Ferrol y la comarca de Ferrolterra.
Edu Saavedra será o máximo representante do Triatlón Ferrol no campionato galego de media distancia que este domingo se celebra en Vigo.
O triatleta que contribuíu ao ascenso do club departamental á Segunda División da liga nacional de tríatlon pechará a temporada co reto de disputarlle un medio ironman aos especialistas galegos da modalidade.
Pola súa banda, Juan Díaz e Héctor Mera competirán no mesmo percorrido contra os seus grupos de idade.
A proba desenvolverase nun circuíto de 1.900 m de natación, 90 km de ciclismo e unha media maratón a pé para rematar.
