O Concello de Valdoviño abre a inscrición na VIII edición da Milla Urbana a favor de Cáritas

Podio da milla urbana 2017 – Concello de Valdoviño

O concelleiro de Deportes, Sergio Saavedra, informou esta mañá de que, un ano máis, o paseo da Lagoa da Frouxeira será escenario da Milla Urbana Concello de Valdoviño. Organizada pola Concellería de Deportes, chega á súa oitava edición. Terá lugar este domingo 29 de setembro pola mañá, baixo o control técnico da Federación Galega de Atletismo a través da súa delegación en Ferrol, e o prazo de inscrición está xa aberto na web www.carreirasgalegas.com (ata o día 26 de setembro, ás 23:59 h) ou de forma presencial na concellería –de luns a venres, de 9 a 14 h- e Oficina de Turismo –de 10 a 14 e de 16 a 20 h-. A inscrición será gratuíta para os menores de 18 anos e terá un custe de 3 euros para os maiores desa idade, a abonar o día da carreira.

Unha vez máis, a carreira terá este ano un carácter solidario e, a recadación íntegra, irá destinada a Cáritas. Así mesmo, haberá novamente o Dorsal 0, polo que as persoas interesadas poderán sumarse a esta causa abonando a cuota aínda que non participe.

Saavedra explica que o percorrido discurrirá ao longo do paseo da Lagoa da Frouxeira, nun circuito de ida e volta de iguais dimensións sobre o que se irán cubrindo as distancias de cada unha das categorías. De entre 100 e 1609 metros. Son estas: biberón (nados no ano 2012 e posteriores); Sub10 (2010-2011); Sub12 (2008-2009); Sub14 (2006-2007); Sub16 (2004-2005); Sub18 (2002-2003); Sub20 (2000-2001); Sub23 (1997-1999); Senior (1985-1996); Máster1 (1979-1984); Máster2 (1970-1978); Máster3 (1960-1969) e Máster4 (1959 e anteriores). A saída estará sinalizada na caseta de socorrismo do areal e tamén será escalonada, partindo ás 11 horas. Organizada polo Concello de Valdoviño, conta coa colaboración da Federación Galega de Atletismo, a Deputación provincial, Protección Civil de Valdoviño e Coca Cola.

Haberá medallas para todos os participantes da categoría biberón e para os tres primeiros clasificados, en masculina e feminina, para o resto de categorías, así como trofeos para o/a primeiro/a da absoluta e para o participantes máis novo/a e máis veterán/a.

Lea también

El Comarcal A Fervenza quiere seguir en buena dinámica ante el Ourense Envialia “B”

Partido interesante el que afronta el Comarcal A Fervenza, recibiendo al Ourense Envialia “B”, en …

Deja un comentario

Tu dirección de correo electrónico no será publicada. Los campos obligatorios están marcados con *