O Concello presentou un novo club de pesca, o Espiñazo Narón Fishing, integrado por rapazas e rapaces da cidade e doutros municipios da zona

Presentación do Espiñazo Narón Fishing | Concello de Narón

O concelleiro de Deportes, José Oreona, presentou esta mañá no Concello un novo club deportivo da cidade, o Espiñazo Narón Fishing con Franciso Paz e Miguel Fernández, presidente e vogal, respectivamente. Na actualidade, preto dunha trintena de persoas forman parte do mesmo, ao que Oreona lle deu a benvida e ofreceu a colaboración do Concello “para que continuedes apostando polo deporte e promocionándoo dende a nosa cidade, que tamén é a vosa”.

O Espiñazo Narón Fishing xorde como resultado da unión de varios grupos de amigos que practicaban a pesca dende diferentes clubs e asociacións de pesca de Narón e comarca e que decidiron xuntarse e crealo, tal e como recordou Fernández. O obxectivo básico é “pescar, que é o que realmente nos gusta” e coa mirada posta, según indicou o presidente “en organizar en Narón o vindeiro ano un campionato de pesca a nivel autonómico”.

Os impulsores do club recoñecen que a pesca “é un deporte minoritario” e, centrados en fomentalo, tamén traballarán con grupos de nenos e nenas e mulleres –xa hai dúas no club-, avanzaron. “Queremos realizar quedadas, campionatos infantís, de mulleres… propostas que nos axuden a dar a coñecer esta actividade deportiva pero non centrándonos unicamente nas competicións”, indicaron.

O concelleiro de Deportes destacou ademais o feito de que “dende este club xa se está contactando con diferentes entidades para doarlles os peixes que pesquen, polo que a maiores de contribuír a fomentar e diversificar o deporte naronés tamén realizarán unha importante labor solidaria que dende o Concello queremos agradecer e recoñecer”.

As persoas interesadas en contactar cos representantes do Espiñazo Narón Fishing poden facelo a través da dirección de correo electrónico: espinazonaronfishing@gmail.com ou chamando aos números de teléfono: 629 871 550 ou 628 474 218.

Lea también

Narón acolle o “XXIII Trofeo de Baile Deportivo Cidade de Narón” e o “Campionato Galego de Standard”

O concelleiro de Deportes, Ibán Santalla, e o presidente do Club de Baile Deportivo Narón, …