A alcaldesa de Narón asinou un convenio de colaboración con COFER

A alcaldesa de Narón, Marián Ferreiro, asinou co presidente da Confederación de Empresarios de Ferrolterra, Eume e Ortegal (Cofer), Cristóbal Dobarro, un convenio de colaboración entre o Concello e a citada entidade. No acto estivo tamén presente o concelleiro de Promoción Económica, David Pita.

A través deste acordo, tal e como figura no documento, apóstase por “potenciar a colaboración entre ambas partes na difusión de iniciativas e actividades a respecto da realidade socioeconómica do Concello que sexan de utilidade para as traballadoras e os traballadores do municipio e tamén outras accións que promovan, directa ou indirectamente, a creación de emprego e o asentamento empresarial en Narón”.

O Concello aportará unha partida de 18.000 euros en base a este convenio. A alcaldesa, Marián Ferreiro, valorou o traballo que desenvolve Cofer en Ferrolterra, Eume e Ortegal e destacou o compromiso do goberno local de respaldar entidades e iniciativas encamiñadas a promover a implantación de empresas na cidade e a creación de emprego.

Lea también

Unha vintena de escolares de dez centros da cidade integran o Consello de Participación Infantil de Narón

A alcaldesa da cidade, Marián Ferreiro, presidiu na mañá deste venres, ás 10.00 horas un …

Deja un comentario

Tu dirección de correo electrónico no será publicada. Los campos obligatorios están marcados con *