Persoal técnico e administrativo da área de Benestar Social formarase no manexo da Historia Social Única Electrónica

Os días 10, 15 e 17 de outubro, persoal técnico e administrativo da concellería de Benestar Social de Ferrol participará nunhas xornadas formativas no Centro Municipal de Emprego. Deste modo, traballadores sociais e auxiliares administrativos recibirán formación sobre a Cita Previa, a Historia Social Única Electrónica (HSUE) e o Sistema de Información de Usuarios de Servizos Sociais (SIESS). No caso da HSUE, o Concello de Ferrol aprobou recentemente a súa adhesión, polo que se trata dunha formación moi necesaria para a adaptación do departamento a este novo recurso.

Os cursos serán impartidos por persoal técnico da Dirección Xeral de Inclusión da Consellería de Política Social. Dende a concellería apuntan que estas ferramentas de xestión propias do sistema público do servicios sociais permitirán, a través das novas tecnoloxías, “poñer en práctica un enfoque integral da atención ao público”. Así, a demanda ante as administracións públicas serán tratadas como un dereito dos cidadáns.

A concelleira de Servizos Sociais explica que a formación implicará “unha mellora do que temos, do que facemos e de cómo lo facemos”. Neste senso, asegura que “na liña do compromiso deste goberno coa cidadanía para facer respectar os seus dereitos de acceso aos servizos públicos, o uso da tecnoloxía nos axudará a mellorar a eficacia e transparencia da atención ao público e as súas demandas”.

Conscientes os técnicos da concellería de que a análise e o tratamento da demanda recibida é fundamental para a reducción das listas e tempos de espera, a formación “permitiranos actuar no aproveitamento dos recursos humanos e del tempo, e mellorar as respostas ás demandas”, detalla Eva Martínez Montero.

Por último, a concellería exporá un programa de notificacións e avisos para os profesionais e usuarios que permita unha xestión do tempo diferenciando a tramitación administrativa da intervención social.

Lea también

Mañá mércores remata o prazo para solicitar o bonobús universitario

Mañá mércores remata o prazo para solicitar as axudas para o transporte de estudantes universitarios …

Deja un comentario

Tu dirección de correo electrónico no será publicada. Los campos obligatorios están marcados con *