O alcalde destaca na presentación de Tapéate que a cociña ferrolá “é un dos mellores elementos” da marca de cidade

Ángel Mato na presentación de Tapéate | Concello de Ferrol

O alcalde de Ferrol, Ángel Mato, participou esta mañá no inicio dunha nova edición de Tapéate, unha cita coa gastronomía ferrolá que celebra a cidade cada mes de novembro impulsada polo Concello, a Asociación de Empresarios da Hostalería de Ferrol e a Sociedade Mixta de Turismo. A iniciativa, que este ano se prolongará ata o día 17, consta de dous concursos, un ante un xurado de expertos e outro ante o público. O primeiro arrincou esta mañá no hotel Almirante, onde Luís Veira, Leonila Fernández e Álvaro Fuentes elixiron as cinco mellores tapas de entre as 22 presentadas a este certame. Durante os días que dure Tapéate, o xurado sorprenderá aos cinco establecementos para dictaminar o mellor prato, para lo que terán en conta a presentación, a elaboración, a degustación e o uso de productos autóctonos. O primeiro gañador obterá 500 euros, o segundo 300 e o terceiro, 200.

Dez máis, un total de 32 establecementos, participan no concurso no que o público ferrolán será o xurado. Locais hostaleiros da Magdalena, Serantes, o Ensanche, Ultramar, Esteiro e Catabois servirán a súa tapa a tres euros e os clientes terán a oportunidade de votar pola súa favorita nas urnas que haberá en cada establecemento. Neste caso, o establecemento gañador obterá 300 euros. Entre as tapas hai tanto doce como salgado: saquiños de tenreira, lasagna de cocido, puré de remolacha, croquetas de rabo de vaca, niño de cogomelos ou brownie de vainilla son algunhas das propostas que os clientes encontrarán a partir de hoxe en máis dunha trintena de locais. Ademais, entre os clientes que voten celebrarase un sorteo de 100 euros para gozar nun dos locais participantes.

O alcalde, Ángel Mato, destacou que a cociña ferrolá “é un dos mellores elementos da marca de cidade”. Mostrou o seu firme apoio a hostalería e anunciou que a comezos do seu mandato pediu aos responsables das concellerías de Emprego, Turismo, Cultura e Urbanismo que “traballen conxuntamente” para “facer crecer o sector”. Resaltou a calidade das tapas, “que combinan la tradición da nosa gastronomía coa modernidade” e aproveitou a ocasión para animar aos veciños a “inundar” as rúas de Ferrol para degustar cada unha das propostas de Tapéate.

Emilio Vázquez, presidente da Asociación de Empresarios da Hostalería, agradeceu ao alcalde o seu apoio á iniciativa e lembrou que a calidade das tapas “é moi alta”. Por elo, dixo, “podemos presumir da gastronomía da cidade”. Pola súa banda, o chef Luís Veira engadiu que a gastronomía ferrolá “pode ser punta de lanza para moitas cidades galegas”.

Lea también

Ángel Mato apela al impulso de la tecnología eólica marina para la comarca de Ferrol

El alcalde de Ferrol, Ángel Mato, ha apelado a la “doble responsabilidad” en la transición …