O Concello celebrou hoxe a primeira mesa de contratación electrónica

Instante da primeira mesa de contratación electrónica | Concello de Ferrol

A sala de comisións do pazo municipal acolleu esta mañá a primeira sesión de licitación electrónica que celebra a Mesa de Contratación Permanente do Concello de Ferrol. A orde do día incluía a apertura das ofertas e o acto de valoración referidas ao expediente do aglomerado do camiño das Cabazas, que o pasado 7 de novembro estreaba o novo procedemento de licitación na Administración local ferrolá. O prazo de presentación de ofertas para esta obra, a última que se tramita do POS 2016, rematou o pasado venres, 27 de novembro.

Para esta primeira ocasión, instaláronse na sala varios ordenadores cos que poder levar a cabo todo o proceso baixo a supervisión do Centro de Recursos Informáticos municipal. O concelleiro Julián Reina explicou que este cambio supón que o sistema de contratación do Concello se adapte por fin ás novas tecnoloxías e á Lei de Contratos do Sector Público. Ao mesmo tempo, implica un paso máis no “obxectivo de papel cero” e redundará nunha “maior transparencia” deste tipo de procesos.

Lea también

El Concello saca la licitación el nuevo contrato del servicio de ayuda en el hogar, con un presupuesto base de más de 10 millones de euros

El Concello de Ferrol acaba de iniciar la licitación del nuevo contrato del servicio de ayuda …