O Concello dotará á Biblioteca de novo mobiliario para mellorar a hemeroteca, a zona audiovisual e habilitar un espazo para adolescentes

O Concello de Ferrol ven de aprobar a adquisición de novo mobiliario para a Biblioteca municipal, na praza de España, por un importe de case 18.000 euros e destinado a mellorar a hemeroteca, o espazo audiovisual e á creación dunha zona dirixida a adolescentes.

Esta última actuación supón unha inversión de uns 7.200 euros entre a adquisición de 4 andeis, 4 puffs, 8 cadeiras e unha mesa (6.100,03 euros) e un equipamento audiovisual composto por una consola, unha mesa e unha televisión (1.106,24 euros). O Concello pretende así habilitar na planta baixa un espazo orientado aos usuarios de entre 12 e 15 anos.

O novo material tamén mellorará a hemeroteca coa adquisición de 8 cadeiras, 4 mesas baixas, 5 altas e 15 butacas (5.210,59 euros) e a zona audiovisual de adultos, que estreará 8 puffs, 2 cadeiras, 3 andeis e 2 soportes de televisión (5.542,36 euros).

O edil de Educación e Cultura, Antonio Golpe, sinalou que “a aposta do Concello pola Biblioteca é firme” e indicou que a adquisición do novo material “mellorará a estancia dos usuarios”.

Lea también

La Policía Nacional detiene a dos personas por “colocar” billetes falsos de cincuenta euros

 La Policía Nacional de la Comisaria de Ferrol-Narón detuvo  a dos individuos por un delito …

Deja un comentario

Tu dirección de correo electrónico no será publicada. Los campos obligatorios están marcados con *