Unhas 2.400 persoas pasaron por Festea, o festival infantil gratuíto de teatro do Concello de Ferrol

Antonio Golpe e Plamen Dipchikov na presentación de Festea | Concello de Ferrol

Festea, o festival infantil de teatro gratuíto do Concello de Ferrol, que comezou no mes de outubro e que rematou o pasado sábado no Torrente Ballester, congregou na súa cuarta edición a unhas 2.400 persoas. Neste tempo celebráronse 19 actuacións, tanto en espazos do centro da cidade —Torrente Ballester, Teatro Jofre e os centros cívicos de Caranza e Canido—, como na zona rural, nos locais veciñais de Santa Comba de Covas, Santa Uxía de Mandiá e Pazos.

Polo festival pasaron dez compañías de teatro, oito de elas de diferentes puntos do país e dúas procedentes de Portugal. Entre as 19 actuacións celebrouse unha para escolares e entre os temas tratados nos espectáculos destacan o valor das palabras, a paz, as consecuencias ambientais dos hábitos de consumo, a liberdade, o respecto á natureza dos seres vivos, a amizade, a lealdade e a tenrura.

O alcalde de Ferrol, Ángel Mato, quen abriu e clausurou o festival, mostrouse “moi orgulloso” do éxito desta edición de Festea e lembrou aos pequenos que acudiron á última sesión, celebrada no Torrente Ballester, a importancia de “gozar das aventuras que nos chegan a través do teatro e da lectura”.

Lea también

O CIRS de Cervás de Ares, énchese polo Día Mundial do Teatro

Cunha radio xigante onde se poden ler nomes de lugares de todo o mundo, dende …