A escritora e filósofa Amelia Valcárcel dará unha conferencia no Jofre o 18 de decembro

O Concello de Ferrol, a través da concellería d Igualdade e Muller, que dirixe Cristina Prados, ten preparado no Teatro Jofre para o próximo mércores, 18 de decembro, ás 19.30 horas, un encontro coa escritora e filósofa Amelia Valcárcel.

Trátase dunha das figuras máis importantes da historia do feminismo en España e catedrática de Filosofía Moral e Política na UNED. É, ademais, conselleira de Estado desde o ano 2006, vicepresidenta do Real Padroado do Museo do Prado, vocal do Real Padroado da Biblioteca Nacional, Doutora Honoris Causa por tres universidades de España e México, Medalla de Prata do Principado de Asturias e autora de máis de 200 publicacións entre libros e artigos.

O acceso ao encontro con Amelia Valcárcel é gratuíto e as entradas xa poden retirarse na taquilla do Teatro Jofre en horario de 11 a 13 horas e de 18 a 20 horas os días 12, 13, 14, 17 e 18 de decembro. Entregaranse dúas por persoa. Ao finalizar o acto, a escritora asinará exemplares do seu libro “Ahora, Feminismo”.

Será recibida polo alcalde e a concelleira de Igualdade

Antes da charla, Valcárcel será recibida no Concello de Ferrol polo alcalde, Ángel Mato, a concelleira de Igualdade, Cristina Prados, e membros da corporación municipal.

Lea también

Miguel Tellado denuncia el abandono consciente de Ferrolterra por parte del gobierno

El secretario general del PPdeG, Miguel Tellado, ha denunciado el «abandono consciente» de Ferrolterra por …

Un comentario

  1. Aunque sea una persona tan renombrada el Ayuntamiento pague y organiza una actividad para que para que esta señora vende su libro. No estaría mal que lo hiciera con la mayoría de los escritores de Ferrolterra