Comeza a formación a máis de 20 axentes implicados na loita contra a violencia de xénero para a constitución da Mesa

Instante da sesión formativa | Concello de Ferrol

O Concello de Ferrol, a través da concellería de Muller e Igualdade, que dirixe Cristina Prados, vai constituír a principios do próximo ano a que será a primeira Mesa Local de Coordinación Interinstitucional contra a Violencia de Xénero, cuxo obxectivo é facilitar a distribución dos recursos e axentes implicados na prevención e tratamento das situacións de violencia de xénero no municipio.

Para preparar aos integrantes do novo órgano, o Concello iniciou esta mañá un programa formativo no Antigo Hospicio, que rematará o próximo 19 de decembro, e ao que acudiron, ademais de Prados, os concelleiros de Seguridade, Germán Costoya; de Emprego, María Teresa Deus; de Benestar Social, Eva Martínez, representantes da Federación de ANPAS, Policía Local, Cáritas, Casa de Acollida do Concello, do ámbito xurídico, membros das asociacións Almat, Alvixe, Cruz Vermella e persoal municipal das concellerías de Muller e Igualdade, Seguridade, Emprego, Benestar Social e Deportes. Tamén estiveron presentes representantes dos grupos políticos da oposición.

En total, máis de 20 persoas acudiron ao programa de formación solicitado pola concellería de Muller á Secretaría Xeral de Igualdade no mes de outubro. Trátase “dun paso máis na loita contra a violencia contra a muller”, lembrou a concelleira Cristina Prados, quen insistiu en que “neste asunto é moi importante o traballo coordinado entre axentes sociais e administracións”.

Lea también

Psoe Ferrol «hai fórmulas para a estabilidade económica de Emafesa sen subirlle o recibo aos veciños»

O grupo municipal socialista cree que «hai outras formulas para conseguir a estabilidade económica de …