O domingo chega ao Torrente Ballester “Hubo”, un espectáculo poético para todos os públicos

Hubo, esta fin de semana no Torrente Ballester | Concello de Ferrol

A programación cultural do Concello de Ferrol para esta fin de semana trae ao centro cultural Torrente Ballester “Hubo”, un espectáculo teatral sen palabras que trata sobre o amor, a perda, a soidade, a memoria e o arraigamento. Trátase dunha obra poética dirixida ao público familiar a partir dos sete anos que desde a beleza mostra a historia do naufraxio dunha muller que se resiste a abandonar o seu mundo, reducido xa a unha illa de pedra. A través dunhas telas, unha casa, as mans dos actores e o seu corazón, os espectadores mergullaranse na historia da protagonista.

A actuación, unha producción de El Patio Teatro, terá lugar o domingo ás 18.30 horas e as entradas xa poden retirarse no despacho de billetes do teatro Jofre por 4 euros. O horario de atención ao público é de martes a venres de 11.00 a 13.00 horas e de 18.00 a 20.00 horas. Sábados, domingos e festivos de función, abrirá pola mañá de 11.00 a 13.00 e pola tarde dende dúas horas e media antes do inicio da mesma.

Lea también

El concierto de Bonnie Tyler patrocinado por el Concello de Ferrol se aplaza un año

Ante la situación generada por la pandemia de coronavirus, la productora del Festival Ferrol Verán, …