O Concello continua coas sesións de contacontos para bebés e nenos desde os tres anos na Biblioteca central

O Concello de Ferrol continua coa programación de sesións de contacontos na Biblioteca central, na Praza de España. Por un lado celebrarase venres alternos, ás 18 horas, A hora do Conto, destinado a nenos desde os 3 anos. A primeira cita é o próximo venres, 7 de febreiro, a cargo de Olga Abad.

Continuarán os días 21 deste mes, 6 e 27 de marzo, 17 de abril e 8 e 29 de maio. Para poder participar hai que inscribirse previamente desde o luns anterior de forma presencial no mostrador do centro o por teléfono. Haberá un máximo de 35 prazas dispoñibles e 5 na lista de espera.

Por outra banda, a Biblioteca celebra tamén venres alternos A hora dos Bebés. Neste caso dividiranse as cita entre as destinadas a bebés de 12 a 24 meses — os días 14 deste mes, 13 de marzo e 24 de abril—, e para pequenos de entre 24 e 36 meses —28 de febreiro, 3 de abril e 15 de maio—. Para participar tamén é necesario inscrición previa. Haberá un máximo de 15 prazas dispoñibles e 5 en lista de espera.

Lea también

Seleccionados os catro proxectos para as Residencias Artísticas Mariñán de Literatura e Pensamento

Francisco Rodríguez Casal, Esperanza Mariño Davila, Laura Martínez Mateo e Carmen Marina Vidal Valiña son …