O Concello de Ferrol obtén unha bonificación de Sogama que aplicará aos veciños nun único recibo

A concelleira de Economía e Facenda, María Teresa Deus, presentou esta mañá na comisión extraordinaria de Economía, Facenda, Emprego e Recursos Humanos a proposta de modificación da ordenanza número 1 reguladora da prestación patrimonial de carácter público non tributario correspondente aos servizos de tratamento e eliminación de residuos sólidos urbanos e corrección de erros. A modificación é un trámite necesario para poder aplicar aos contribuíntes a bonificación que percibe o Concello de Ferrol de Sogama, que na práctica traducirase en case un 8% de desconto no concepto de tratamento de lixo nun único recibo.

O Concello, a través da concellería de Medio Ambiente, que dirixe Ana Lamas, obtén dita bonificación por cumprir as condicións específicas establecidas para elo, entre as que está a de procurar unha reducción de residuos a través de novas medidas que fomenten a recollida selectiva, a diminución da producción de lixo convencional e o fomento do reciclaxe dos envases lixeiros.

O Concello e Urbaser puxeron en marcha no último trimestre do pasado ano unha campaña informativa dirixida a toda a poboación do municipio para conseguir a máxima concienciación cidadá na importancia que ten para calquera cidade facer unha recollida selectiva de calidade tanto cuantitativa como cualitativa. Tamén se informou aos veciños sobre a finalidade do punto limpo, o servizo de recollida porta a porta dirixida aos comerciantes da cidade, sobre o funcionamento dos colectores de quita e pon e da necesidade de respectar os horarios para botar as bolsas de lixo e de separar os residuos.

O Concello tamén celebrou a partir do mes de novembro un ciclo de 14 charlas medioambientais en centros escolares dirixidas a nenos e realizou unha campaña a través das caixas do correo en edificios de vivendas, oficinas e locais comerciais.

Lea también

Psoe Ferrol «hai fórmulas para a estabilidade económica de Emafesa sen subirlle o recibo aos veciños»

O grupo municipal socialista cree que «hai outras formulas para conseguir a estabilidade económica de …