O Concello de Ferrol conmemora o Día de Rosalía coa lectura dos seus poemas

Cristina Prados, concelleira de Muller e Igualdade, deu conta esta mañá na comisión informativa de Participación Cidadá que tivo lugar no pazo municipal dos actos previstos polo Concello de Ferrol para a celebración do Día de Rosalía, que naceu o 24 de febreiro de 1837.

Os actos terán lugar o domingo 23, ás 12 horas, na Praza Rosalía de Castro, en San Xoán de Filgueira. Haberá un concerto de Xoán Padín e unha ofrenda floral. A continuación leranse poemas da escritora galega e repartiranse agasallos conmemorativos.

A concelleira Cristina Prados explicou que, un ano máis, o Concello de Ferrol “quere homenaxear á unha das figuras máis relevantes da nosa literatura e achegala aos cidadáns”. Para elo, todos aqueles usuarios da Biblioteca central que leven prestado un libro o día 24 de febreiro recibirán un marcapáxinas con poemas de Rosalía de Castro.

Lea también

La gráfica del miércoles, día 11. Nuevo Doctor Honoris Causa

El salón de actos «Concepción Arenal» del Campus de Ferrol acogió en la mañana de …