Bombeiros de Ferrol e Urbaser repártense as zonas de máis afluencia na labor de desinfección

Os bombeiros facendo labores de desinfección | Concello de Ferrol

O Concello de Ferrol está a poñer todos os recursos dos que dispón na loita contra o Covid-19. Proba de elo é a coordinación que se está a levar a cabo entre as concellerías de Seguridade, liderada por Germán Costoya, e a de Servizos, da que é responsable Ana Lamas. Ambos dous veñen de establecer un plan de traballo das tarefas de limpeza e desinfección profunda mediante a pulverización de hipoclorito sódico —solución que combinada con auga resulta lixivia— que se están levando a cabo na cidade desde que comezou a alerta sanitaria do Covid-19.

Froito desa coordinación efectivos do corpo de bombeiros de Ferrol céntranse na hixienización dos exteriores dos centros hospitalarios, ambulatorios, residencias de maiores e mercados de abastos, entre outros. Cuadrillas de tres profesionais cun camión bomba percorren estes lugares da cidade para proceder á súa desinfección.

Pola súa banda, o departamento municipal de Servizos reorganizou o seu persoal para adaptalo ás novas necesidades da cidade en previsión do curso que seguiría a pandemia e co fin de combater a propagación dos contaxios. Os empregados de Urbaser, empresa encargada da limpeza da cidade, puxéronse a traballar na hixienización intensa dos accesos de establecementos como farmacias, supermercados, panaderías e marquesiñas, entre outros.

Os efectivos de ambos servizos, o de bombeiros e do limpeza, desinfectan a diario a cidade, de luns a domingo en quedas de mañá e tarde. Fano seguindo un estrito protocolo de seguridade para evitar o contacto e dotados dos correspondentes EPIs (equipos de protección individual).

Lamas e Costoya coinciden en que a mellor forma de protexer e coidar á cidadanía é “traballar para ela de forma coordinada” desde os distintos departamentos municipais para “aproveitar ao máximo” os recursos do Concello. “Estamos poñendo todo o noso esforzo e medios en combater a propagación do Covid-19 e seguiremos facéndoo o tempo que sexa necesario”, explican.

Lea también

Miguel Tellado denuncia el abandono consciente de Ferrolterra por parte del gobierno

El secretario general del PPdeG, Miguel Tellado, ha denunciado el «abandono consciente» de Ferrolterra por …