O BNG presenta unha moción para instar ao goberno a derogar a Lei de Estabilidade Orzamentaria e Sostibilidade Financieira

Iván Rivas e María do Mar López en rolda de prensa | Adán Puentes

O Bloque Nacionalista Galego de Ferrol presentou unha moción que será debatida no pleno deste xoves co obxecto de que a corporación municipal ferrolá reclame ao goberno do Estado a supresión dos límites de gasto que a Lei de Estabilidade orzamentaria e sostibilidade financeira impuxo ás administracións públicas e que xunto ao compromiso político local de incrementar de forma substancial o gasto público na cidade permita desenvolver un plan de choque para enfrontar as consecuencias derivadas da actual situación de emerxencia.

A cidade de Ferrol «conta cun nivel de endebedamento público reducidísimo que non chega nin ao 20% mentres existen innumerables carencias no concello. Estas circusntancias fan inexcusable que tanto desde o goberno local se considere como prioridade unha política de gasto público expansiva como que desde a administración central se asuma a necesidade de levantar as actuais limitacións de gasto. Si xa antes da actual situación de emerxencia era unha necesidade básica para a cidade adoptar este tipo de criterios, as circunstancias actuais fai máis necesario que nunca a súa implementación«, afirman dende o BNG.

Por este motivos e «porque existen mecanismos políticos e administrativos para poder facelo esta reclamación ao goberno do Estado debe ir acompañada dunha política económica local expansiva no gasto público e que debe ser adoptada ao tempo que se avanza nesta reivindicación da administración local ao goberno do Estado«.

O futuro da cidade debe pasar por «unha decidida aposta polo gasto público a través da prestación de máis e mellores servizos públicos, contratación de persoal e o desenvolvento de investimentos na cidade que permitan xerar emprego e reactivar a economía ao tempo que se insiste ao goberno do estado na necesidade de anular os presupostos da política de austeridade impostos desde 2012 para que deste xeito e sen ningún tipo de limitacións se poidan destinar os recursos dos concellos a políticas activas de emprego, solidariedade e reactivación económica«.

Lea también

Los bomberos de Ferrol dejan de prestar servicio en otros seis municipios de la comarca

El presidente de la junta de personal del Ayuntamiento de Ferrol, Javier Sandá (CSIF), ha …

Un comentario

  1. ¿ A qué goberno referiranse, ó da Xunta ou ó da nación?. Na foto, so falta Súarez e Férnandez Lemos pra
    ter ó circo compreto, bueno é algún sindicalista d vacacions.