Emisoras comunitarias e municipais de todo o Estado promoven á constitución dunha supra entidade estatal

O Proxecto Onda ODS, no que participan máis de 300 medios locais de todo o Estado, abriu a porta a unha colaboración máis estreita entre as entidades que o promoven, convencidas dos beneficios que para o colectivo de emisoras municipais e comunitarias reportaría unha vinculación estable e articulada mediante una supra entidade estatal que as aglutine.

Aproveitando a emisión desde Oleiros do espazo radiofónico inaugural da programación de Onda ODS e co propósito de avanzar e darlle forma a esta entidade
xurídica, representantes de todas elas participaron nunha xuntanza na que estiveron presentes, por parte das Emisoras Municipais Galegas (EMUGA-Radiofusión), Henrique Sanfiz, Susana Falcón e Pablo García; así como Pablo Crespo, Concepción Cabrera e Guillermo Buteau, das Emisoras Municipais de Andalucía (EMA-RTV); Mariano Fernández e Francisco Aguado, da Rede Estatal de Medios Comunitarios; María López, Manuel Calbet e Susanna Cabiscol, de Ràdio Televisió Cardedeu-La Xarxa; e Pilar Moreno, coordinadora das Emisoras Municipais Valencianas.

O propósito non é outro que o de afondar nesa colaboración e dar pulo ás emisións e á programación local, aproveitando sinerxías de traballo na produción conxunta de contidos, asumindo proxectos colectivos e definindo os camiños polos que deben transitar para manter uns parámetros de competitividade dentro dun paradigma de comunicación dixital cada vez máis esixente.

Atopar que tipo de fórmula xurídica sería a máis axeitada para dar cabida no seu seo a colectivos e agrupacións tan dispares e que representan unha realidade múltiple e heteroxénea no contexto dos medios comunitarios e municipais do estado foi o punto de partida dun enriquecedor debate no que tamén se trazaron as directrices sobre as que elaborar uns estatutos acorde ás peculiaridades de todas elas.

Lea también

Concierto de Navidad en Neda

El Ayuntamiento de Neda celebra su tradicional Concierto de Navidad el próximo viernes 16 de …