O BNG de Narón presenta moción para que os campamentos de verán non discriminen por diversidade funcional

O BNG de Narón a través dun comunicado remite a nota da moción que presenta no pleno de setembro  para «que os campamentos municipais infantís de verán non discriminen por razón de discapacidade ou diversidade funcional»

O BNG afirma que «o pasado 8 de Xuño unha nai dun neno con diversidade funcional quixo apuntar ó seu fillo nun campamento organizado polo padroado da cultura do concello de Narón. Desde o concello, despois de poñerse en contacto e comprobar que no padroado non se reunían as condicións, non se lle facilitou a posibilidade de cursar nalgunha das prazas dos campamentos municipais de Narón. Esta discriminación levou á nai da crianza a acudir á valedora do pobo»

O BNG «despois de asesorarse con entidades que traballan con menores con discapacidade e falar varias veces con responsables municipais» presentan unha moción “para que se creen uns pregos ou as condicións para que a igualdade para acudir a un campamento realizado polo concello de Narón sexa unha realidade e todas as familias teñamos o mesmo dereito á conciliación” indica Olaia Ledo, portavoz municipal do BNG de Narón.

Desde o BNG de Narón «comprobaron que o acontecido vulnera o artigo 7 da Convención internacional dos dereitos das persoas con discapacidade, e tamén o artigo 30.5 da Convención (dereito ó ocio e ó esparcimento) ó non terse adaptado a administración, local neste caso, ás medidas necesarias para asegurar os dereitos dos menores con discapacidade». «Esperan que máis grupos se unan a unha necesidade real “todos melloramos con esta moción se sae aprobada porque o único que pretendemos é igualdade de oportunidades. Facémola porque despois de consultar non vimos movemento ó respecto. Un neno foi discrimado mais non ten porque volver a acontecer se se aprende de concellos próximos ou se mudan os regulamentos do concello» afirma Ledo.

Lea también

O Concello de Narón impulsa un programa de prevención da depresión e mellora da saúde mental

O Concello de Narón impulsa un programa de Prevención da depresión e mellora da saúde …