O concello de Neda inicia unha campaña para a detección do cancro de mama

Concello de Neda

O Concello de Neda informou da próxima convocatoria da nova campaña de detección de cáncer de mama dirixida a mulleres de entre 50 e 69 anos. Nesta liña, a concelleira de Servizos Sociais, Sanidade e Terceira Idade, Leonor Canosa, incidiu na importancia do programa xa que é unha das poucas enfermidades cancerosas nas que é posible unha detección precoz aínda sen notar ningún síntoma. Así mesmo, as posibilidades de curación, cando se detecta na súa etapa inicial, son prácticamente do 100%. Nesta liña, a edil destacou a actitude positiva das mulleres de Neda, xa que na anterior campaña participaron 629 das 761 convocadas. Isto é, o 80%. A concelleira sinalou que se trata dunha das porcentaxes máis elevadas de toda a provincia da Coruña. Un dato que quixo pór en valor.

Así as cousas, Leonor Canosa explicou que a Consellería de Sanidade, promotora do Programa Galego de Detección do Cancro de Mama, citará ás mulleres de Neda para realizar a respectiva mamografía a finais de marzo ou principios de abril. Así mesmo, a Oficina Municipal de Servizos Sociais sinalou que en breve as mulleres recibirán nos seus domicilios unha carta coa data exacta e ubicación. Deste xeito, pídese encarecidamente que acudan a facerse as probas, xa que moitos casos pódense detectar e curar a través de medidas preventivas como estas.

De feito, na campaña anterior, das 629 revisións realizadas, dez mulleres tiveron que someterse a novas probas ante a detección de anomalías e, destas, a dúas se lles diagnosticou cáncer de mama. De ahí a importancia de participar neste programa sanitario.

Lea también

San Sadurniño dispón dunha nova canle de Whatsapp

Un medio de información que vén sumarse ás distintas plataformas municipais coa finalidade de que …