O BNG sinala que o PP limita o debate político no Concello de Ferrol

O Bloque Nacionalista Galego enviou unha nota aos medios de comunicación na que sinala que «considera que o Partido Popular esta a utilizar a súa maioria absoluta para limitar o debate político e para limitar os dereitos dos grupos municipais de poder contar coa información necesaria, coa antelación precisa, para estudar e poder posicionarmonos sobre os temas que afectan ao noso Concello.

O BNG enmarca neste recorte de dereitos a súa decisión de abandonar o pleno ordinario, celebrado na tarde de onte, e debido à reiterada actitude do Partido Popular de entregar, aos grupos municipais, con retraso e sen tempo suficiente, alguns o mesmo día, os informes precisos para abordar cuestións de trascendencia para o concello e para o futuro dos seus traballadores como son a supresión dos Patronatos, do Imfacofe ou o convenio de Bombeiros.

O acontecido no  paado Pleno, non é unha cuestión illada no funcionamento municipal nen unha anécdota, é unha forma de actuar que se enmarca na dinamica a desenvolver por esta Goberno municipal e que sirva como exemplo o modo no que se presentan os orzamentos municipal dos últimos anos, limitando ao máximo o tempo para a súa análise e sen aprtar a información necesaria para facilitar o seu estudo.

O BNG lémbralle ao Partido Popular que a administración municipal non pode actuar en base a “actos de Fe” como pretendeu facer Rey Varela coa aprobación na tarde de onte do convenio de bombeiros. Rey Varela, levou a pleno este convenio cuxo texto só o coñecía o Goberno Local».