Os socialistas reclaman que o goberno local atenda aos centros escolares públicos

colegio crucero canidoNunha nota enviada  aos medios « O responsable da área de Educación, Celso Posada, e o Grupo Municipal Socialista denunciaron publicamente o pasotismo e o total abandono ao que o goberno local ten levado á rede de centros de educación pública da cidade, e que está obrigando a algún colexio a tomar medidas drásticas polo estado de deterioro alarmante dalgunhas das súas instalacións. Éste é o caso do pavillón do CEIP Cruceiro de Canido, que foi pechado por razóns de seguridade esta mesma xornada pola Dirección do centro dado que o goberno local de José Manuel Rey non ten arranxado os numerosos problemas no teito e nos canalóns, entre outros, que poñen en perigo aos máis de 400 alumnos e alumnas que ten este centro, ademais dos rapaces e rapazas que participan nas actividades extraescolares que aí se desenvolven por parte da ANPA do CEIP e de entidades alleas ao propio colexio.

Polo tanto, esta “nova mostra do desprezo do Goberno do PP ao ensino público está afectando a máis de medio milleiro de nenos e nenas, que pola falla de vontade e de interese por manter en bo estado os centros públicos de Ferrol non disporán dun pavillón no que desenvolver a súa asignatura de ximnasia –con especial incidencia nos días de choiva, que son abundantes durante o curso escolar-, así como de disfrutar dos xogos nos recreos e mesmo das actividades extraescolares polas tardes”. “Resulta patético que despois de tres semanas de vacacións, nas que se podería ter resolto este problema, o alumnado vese privado do seu pavillón xusto á volta ás aulas porque ao goberno de Rey non lle deu a gana atender as demandas da educación pública”, dixeron dende asfilas socialistas, que engadiron que “mentres o PP menosprecia o ensino público, non ten reparo ningún en gastar en época de crise 24.000 euros na cabalgata”

Así as cousas, o  PSdeG-PSOE esixe ao grupo de goberno do Partido Popular que, en primeiro lugar, execute dun xeito inmediato e pola vía da urxencia as obras de reparación do pavillón para poder retomar as actividades do centro escolar á maior brevidade posible e, ademais, reclama que os orzamentos municipais deste exercicio inclúan partidas específicas para o mantemento dos centros de ensino público do municipio.»

Na Comisión de Educación de mañá venres os socialistas preguntarán por esta cuestión e reclamarán unha resposta urxente.

Lea también

Los bomberos de Ferrol dejan de prestar servicio en otros seis municipios de la comarca

El presidente de la junta de personal del Ayuntamiento de Ferrol, Javier Sandá (CSIF), ha …