O BNG pregunta ao Goberno pola situación da candidatura «Ferrol ao Patrimonio da Humanidade»

O Bloque Nacionalista Galego presentou unha iniciativa no Congreso, por medio da Deputada Rosana Pérez, na que demanda do goberno do estado que clarifiqué cal é a situación actual da candidatura de Ferrol á Patrimonio Mundial e se esta continúa figurando na lista indicativa do Estado español para patrimonio da UNESCO.

Iván Rivas, portavoz municipal do BNG, lembrou que o goberno local esta a destinar una importante cantidade económica á candidatura de Ferrol á patrimonio mundial pero que non informa se existe algún avance na mesma e se descoñece a situación na que se atopa a candidatura local, en canto ás xestións que o goberno central debe realizar ao respecto e cal é a disposición do executivo a defender esta candidatura nestes momentos. É por isto que o BNG quere coñecer cal é o estado actual dos traballos de documentación e se colaborou  dalgunha maneira con eles para fundamentar a nosa candidatura.

O BNG plantexa ao Goberno central una serie de interrogantes que xurden ante o silencio dos últimos anos como se desde o ano 2006 que Ferrol se inclue no listado do Consello do Patrimonio Histórico se deron pasos para avanzar en que esta proposta chegue ao Comité de Patrimonio Mundial da UNESCO e coñecer cales son os  problemas cos que esta candidatura se esta atopando para que no ano 2013 aínda non teña sido proposta á UNESCO e se descoñeza a súa viabilidade.

O BNG lembra que na reunión do Consello de Patrimonio histórico celebrada en Javier (Navarra), en xuño de 2006, a Xunta de Galiza propuxo a inclusión de Ferrol Ciudad Ilustrada para Patrimonio de la UNESCO e foi aceptado polo Consello do Patrimonio Histórico. Desde entón se traballou na elaboración da documentación para fundamentar a candidatura.

Así mesmo, en resposta escrita ao BNG no ano 2007 (10 de outubro) o gobernó admitia que a candidatura de Ferrol podería presentarse entorno aos anos 2010 e 2011. Aínda que como é obvio non se chegou a facer ninguna proposta neste sentido diante do Comité do Patrimonio Mundial.

Por último o BNG pregunta pola valoración que fai o goberno central do estado de conservación deste valioso  patrimonio, para saber se esta sendo obxecto da debida protección e promoción, nomeadamente todo aquel que está afectado ou abandonado por Defensa.