O BNG pide que o concello xestione a cesión gratuita do campo de San Xoan

BNGO Bloque Nacionalista Galego de Ferrol solicita ao goberno local de Rey Varela que xestione a cesión gratuita do campo de futbol de San Xoan para o seu aproveitamento deportivo e esparcimento lúdico no barrio.

O BNG lembra que este barrio é dos poucos da cidade que carece dun espazo libre, adicado á práctica deportiva, e resulta unha paradoxa que pese a ter esta necesidade esta instalación deportiva se atope pechada e sen ningún tipo de uso.

Desde o BNG mantivemos un encontro coa directiva da asociación veciñal de San Xoán para abordar esta cuestión e a súas demandas sobre os usos desta area deportiva que na actualidade se atopa infrautilizada e da que o barrio podería beneficiarse.

O BNG considera que o Concello de Ferrol debería xestionar co propietario desta parcela que é Nova Galicia Banco a súa cesión gratuita para poñela a disposición dos veciños e das entidades deportivas que estiveran interesadas na súa utilización.

 

Lea también

Unas diez mil personas participaron en el pregón y el concierto de Fangoria, broche inicial de las fiestas de Ferrol

Ferrol ya ha iniciado sus fiestas de verano. ¡Ferrol está en fiestas! y los ferrolanos …