O grupo Popular pide avanzar no plan de conservación do humidal protexido, lago e areal de Valdoviño que garanta a súa protección

lagoa valdoviñoO Grupo Popular presentou este xoves, día 23, unha emenda a unha iniciativa de AGE no Parlamento na que solicitaba avanzar no Plan de Conservación do humidal protexido Lago e Areal de Valdoviño, Lagoa da Frouxeira, de xeito que se garanta a protección no ámbito do humedal e se favorezan os procesos de restauración ambiental. A emenda non foi aceptada polo  grupo autor da iniciativa polo que non puido ser sometida a votación.

O deputado popular Santiago Freire indicou na súa intervención que este espazo LIC e ZEPA está incluído no Plan Director da Rede Natura 2000, que se atopa nas fases finais de tramitación. Este Plan recolle os obxectivos de conservación e medidas de xestión para todos estes espazos da rede galega “e posteriormente a aprobación en primeiro lugar destas normas comúns a toda a rede sería preciso o desenvolvemento dos plans específicos para aqueles espazos que o requiran”.

No caso da Lagoa da Frouxeira indicou que a Consellería de Medio Ambiente, Territorio e Infraestruturas ten previsto executar acturacións de restauración ambiental propostas no documento técnico Plan de Conservación do humidal protexido Lago e Areal de Valdoviño. Este Plan establece unhas directrices das actuacións de xestión centradas no funcionamento hidro-ecolóxico, adecuación do paseo marítimo, restauración da coiraza interna, do canle de comunicación cubeta lagunar e a praia, regulación do uso público, restauración das áreas degradadas, medidas de conservación da avifauna, información ambiental, control de especies exóticas ou conservación de hábitats naturais, entre outros.

O deputado popular xustificou o rexeitamento a iniciativa de AGE indicando que “as accións que propoñen, sobre todo no relativo ao reordenamento de usos e eliminación infraestruturas, corresponden en gran medida a competencias municipais ou da administración de Costas e polo tanto serían a eses organismos aos que se debería dirixir a petición”.

Non se pode pechar o lago

En canto ao cese definitivo da apertura e regulación artificial da lagoa Santiago Freire indicou que “entendemos que isto conduciría ao progresivo aumento da cota da lagoa que, ademais de xerar unha gran alarma social, ten como resultado a apertura natural da lagoa mediante un réxime que xera a ruptura total da barreira litoral e o baleirado completo da lagoa, e como consecuencias provoca a aceleración do proceso de progresiva colmatación da cuberta lagunar por area e a redución significativa da vexetación eulitorial-sublitoral”.

Santiago Freire indicou que a ampliación que propoñía a iniciativa de AGE, a costa de derrubar edificacións “non a consideramos factible, non creemos que sexa indispensable para manter o valor natural deste enclave e non se pode esquecer que os propietarios das edificacións existentes teñen dereitos adquiridos que é preciso respectar a non ser que se inicie un expediente de expropiación que implicaría unha xusta indemnización con cargo ao erario público”.

 

 

 

 

 

 

 

 

Lea también

Neda impulsa varias jornadas de puertas abiertas en la escuela infantil Os Pelegríns

El Ayuntamiento de Neda promueve durante la próxima semana varias jornadas de puertas abiertas en …