Espectáculo musical en homenaxe a Rosalía de Castro no CL aniversario de «Cantares gallegos»

O ano 2013 é o ano do 150 aniversario de Cantares Gallegos da escritora Rosalía de Castro. A publicación de Cantares Gallegos supuxo un remuíño decisivo na súa obra, mais tamén un paso estratéxico de enorme transcendencia para o futuro da nosa literatura.

(Rosalía-Máximo Ramos)
(Rosalía-Máximo Ramos)

Co fin de conmemorar e honrar a obra de Rosalía de Castro, o Concello de Ferrol organiza un conxunto de actividades para a cidadanía en xeral e para os centros de ensino en particular .

 Concerto no Jofre

Entre estas actividades programadas figura «A miña primeira Rosalía en concerto», espectáculo musical en que se interpretarán varios poemas da obra Cantares Gallegos a cargo dun elenco de recoñecidos músicos e músicas como María Manuela, Mini, Mero e Xiana Lastra.

O concerto terá lugar o vindeiro 11 de outubro, venres, no Teatro Jofre, ás 21. 00 horas e a entrada será gratuíta. As entradas están a disposición do público ata que se esgoten. Recolleranse no despacho do Teatro Jofre (tfn. 981 944 245) en horario de 11.00 a 13.00 e de 18.00 a 20.00 horas, de martes a sábado.

 

 

 

 

Lea también

Psoe Ferrol «hai fórmulas para a estabilidade económica de Emafesa sen subirlle o recibo aos veciños»

O grupo municipal socialista cree que «hai outras formulas para conseguir a estabilidade económica de …