O BNG demanda o arranxo urxente da pasarela peatonil que une Santa Mariña co Ensanche A

(Fot. arquivo)
(Fot. arquivo)

O Bloque Nacionalista Galego de Ferrol defenderá o vindeiro xoves no pleno ordinario unha moción que recolle as demandas dos veciños e veciñas de Santa Mariña instando ao goberno local a arranxar e mellorar, de modo urxente, a seguridade na pasarela peonil sobre as vías de ferrocarril que une o barrio de Santa Mariña e o Ensanche A, previo a acometer unha reforma integral da mesma.

Como se lembrará a veciñanza de Santa Mariña leva meses mobilizandose para conquerir do Goberno Municipal que arranxe esta infraestrutura, que ademais é propiedade municipal e para a que ten elaborado un proxecto, desde setembro do ano pasado, que conta co informe favorábel de ADIF para mellorar esta pasarela.

O BNG na súa proposta tamén incorpora è demanda de que o Goberno Local, en colaboración co ADIF, arranxe a zona do Loureiro e o Casquido solucionado os problemas provocados polos escorrementos de terra para a vía de Feve.

O BNG lembra que no caso do lugar dos loureiros en moitos tramos o firme comezou a ceder e mesmo existen riscos de desprendementos de terra no talude paralelo á vía do ferrocarril. O BNG quere que se proceda a consolidar esta vía mediante a prolongación do muro de contención existente e que remata, a día de hoxe, na rúa Loureiro e que chegue até a conclusión da rúa Cardosas e que estas obras se acometan de modo inmediato polo que deben concretarse as xestións e actuacións a desenvolver coordenadamente entre o Concello e ADIF.

Xa por último o BNG tamén reclama que se limpen de maleza e silvas os taludes do acceso norte en Santa Mariña.

Lea también

«Gran Recogida Solidaria de Alimentos 2019»

Banco de Alimentos llevará a cabo en cientos de supermercados de toda España durante este …