125 postos participarán no Mercado Local Xusto de San Sadurniño

san sadurniño mercado
Para este domingo día 29 inscribíronse no mercado 125 postos desta vez volven ser maioría os de antigüidades e artesanía, seguidos da venda de alimentos e outros produtos transformados e dos expositores de flores e pranta.

O obxectivo do Concello á hora de organizar o Mercado Local Xusto é dinamizar a economía da zona apostando principalmente pola relación directa entre quen produce e quen consume. Ademais, ao estar aberto a todo tipo de mercadorías, o encontro é tamén o lugar ideal para que cambien de mans centos de cousas en desuso ás que sempre hai quen lles volve sacar partido. Roupa, máquinas, libros, lámpadas, adornos e pequeno mobiliario, coleccionables, xoguetes, reloxos, botellas antigas, discos, etc., no mercado hai de todo e case sempre aparece algunha boa oportunidade.

O Mercado Local Xusto deste domingo non será o último. De feito, para o 27 de xullo volverá haber outro.

No adro do convento do Rosario situaranse os produtos da terra, na parte traseira do edificio irán os viveiros de pranta, na praza a artesanía e fronte ao centro de saúde e no aparcadoiro do cemiterio situaranse os postos de artigos de segunda man.

XUNTANZA SOBRE PRODUCIÓN ECOLÓXICA

A cooperativa de consumo responsable A Xoaniña continúa co seu traballo para estruturar a produción ecolóxica da comarca. O luns 30 a partir das 7 da tarde o salón de plenos do Pazo acollerá unha xuntanza co obxectivo de crear unha asociación de produtores e produtoras que permita planificar os cultivos para axeitalos ás épocas e ás demandas do mercado, así como acceder a liñas de finanzamento oficiais.

Esta xuntanza é a segunda fase do plan emprendido pola cooperativa a primeiros de ano para incorporar máis labregos e labregas -e tamén máis superficie- ao seu proxecto de agricultura e gandaría sustentables. A Xoaniña converteuse nos últimos anos no referente para os consumidores de Ferrolterra, o Eume e Ortegal que buscan a máxima calidade e que están comprometidos coa economía local.

Lea también

Decomisados en Mugardos 167 kilos de vieira y los utensilios empleados para extraerlos ilegalmente

La Patrulla de Protección de la Naturaleza (Paprona) de la Guardia Civil en colaboración con …