Villamar presentou as liñas mestras do programa para as eleccións de maio

villamar-31-3O candidato do BNG-Asembleas Abertas á Alcaldía de Narón, Pablo Villamar, presentou a mañá deste martes, día 31, as liñas mestras do programa que a formación está rematando de elaborar e co que concorrerá ás eleccións do vindeiro 24 de maio. O número 1 da lista destacou o traballo desenvolvido desde novembro de 2011 nas áreas de Promoción Económica –que el dirixe- e Muller e Igualdade –coordinada pola súa compañeira Teri Sabio-, incidindo en dous aspectos: o mantemento dos Servizos Sociais e o saneamento das contas municipais.

“Hoxe podemos dicir, subliñou Villamar, “que a situación económica do Concello de Narón é mellor que a que nos atopamos en 2011. A redución da débeda en perto de catro millóns, a revisión dos padróns fiscais, a redución do gasto –principalmente o eléctrico- e a persecución da fraude permitiron reducir o endebedamento por debaixo do 35%, menos da metade do máximo que marca a lei (o 75%)».

POÍTICA DESCRIMINATORIA DOUTRAS ADMINISTRACIÓNS

 Villamar asegurou que este éxito débese ao esforzo de toda a veciñanza de Narón e que foi posíbel “malia a política discrminatoria doutras administracións, as que goberna o Partido Popular”. “Cos nosos recursos propios”, engadiu, “fomos quen de nos sobrepor”.

De cara á próxima lexislatura, o candidato nacionalista insistiu en que “afondaremos nese camiño xa iniciado: pór ás persoas por riba de todo”. Primeiramente, dixo, “naquelas que están pasando por un mal momento e para iso reforzaremos os Servizos Sociais, incrementarémoslles as bonificacións das diferentes taxas e tributos e daremos a batalla para que os naroneses e as naroneses sexan tratados como o resto d@s galeg@s”. Nese sentido, referiuse ás escolas infantís municipais e ao centro de saúde. No tocante ás primeiras, Villamar lembrou que na lexislatura actual abriu o cuarto centro (o de Xuvia) e conseguiuse que a Axencia Galega de Servizos Sociais asumirá a súa xestión. “O obxectivo é que na vindeira lexislatura se incorporen tamén á rede autonómica as outras tres”. En canto ao centro de saúde, o candidato do BNG-Asembleas Abertas lembrou que existe un compromiso da Xunta de Galiza desde o ano 2008 e que aínda non se materializou.

 ACCESO Á VIVENDA

Outros dos aspectos que terá un lugar prioritario no programa de goberno do BNG-Asembleas Abertas será o acceso á vivenda. Para conseguilo, Villamar é partidario de que o Concello faga de intermediario entre os construtores e promotores e veciñ@s con dificultades para ora en réxime de aluguer, ora a través da compravenda, poder satisfacer a necesidade da veciñanza de dispor dunha vivenda e dos empresarios de darlle saída ao stock de pisos baleiros que hai no municipio.

Rematar o Plan Xeral de Ordenación Urbana e incluír nel un plan de mobilidade que recupere os espazos públicos para as persoas –iniciando tamén o proceso de peonalización- son outras propostas que figuran no programa de goberno nacionalista, canda os planos de formación profesional, as facilidades aos pequenos e medianos empresarios que queiran instalarse no municipio ou o apoio ao tecido comercial local.

Por último, Villamar subliñou que é vital afondar na transparencia e a participación cidadá, así como na revalorización dos sinais de identidade propios como, por exemplo, o mosteiro do Couto, para o que o BNG-Asembleas Abertas propón un ambicioso proxecto de recuperación non só arquitectónico senón tamén patrimonial.

 

Lea también

Detenida una mujer por vender droga en su domicilio en una zona de Narón de alta afluencia de menores

Agentes de la Policía Nacional detuvieron el pasado jueves, día 26, a una mujer acusada …

2 comentarios

  1. ¡Jajajaja! Que se dejen de rollos. Las líneas maestras son «pactar con Terra Galega y atacar al PP». El resto… puro teatro.

  2. Líneas maestras de Villamar:
    1- Que me aseguren un buen puesto para seguir chupando del bote.
    2- A cambio del 1, mantener a Blanco otros 4 años.