Marea Ártabra reclama a cesión gratuita da antiga sede de Facenda

ferrol-marea-14Varios candidatos de Marea Ártabra presentáronse este xoves, día 14, diante da antiga sede de Facenda na Rúa Magdalena para reclamar a cesión gratuíta deste edificio ao Concello de Ferrol para convértelo nun gran centro Centro Cívico para uso da veciñanza do Barrio da Magdalena.

Denuncia José María Hernández Roca, candidato á Alcaldía, que «desde que ese edificio deixou de usarse como sede de Facenda o mantemento feito polo Estado é completamente nulo e agora atópase nun estado bastante lamentable, con cristais rotos, vallas oxidadas, etc coa total pasividade por parte do Concello».

Denuncia Marea Ártabra que o Alcalde de Ferrol, José Manuel Rey Varela amosa unha total despreocupación polo estado dos edificios da Magdalena e tan só cando se producen caídas de cascotes ou similares desde o concello amosan unha gran actividade neste sentido para os 10 ou 15 días volver a despreocuparse. Só así se pode entender o lamentable estado de moitos baixos e edificios na Magdalena e que en breve o Edificio de Facenda vai ser un edificio máis na lista de edificios en estado ruinoso ante a total pasividade de Rey Varela.

Cree Marea Ártabra que o edificio de Facenda cumpre con todos os requisitos para converterse no gran centro cívico do Barrio da Magdalena xa que conta con ascensor, e as súas 5 plantas pódense adicar para cederlle locais ás diversas Asociacións do Barrio da Magdalena que hoxe non contan con local pola negativa da actual equipa de Goberno de Ferrol a concederlles un espazo onde reunirse.

Alén diso, considera José María Hernández que «nun barrio que conta con unha gran porcentaxe de poboación maior o Concello de Ferrol debería poñer á súa disposición un local onde reunirse, charlar ou realizar actividades de ocio».

Marea Ártabra pensa que a planta baixa deste edificio é o lugar idóneo para instalar un centro de día destinado aos nosos maiores, que contaría coa vantaxe de estar nun lugar céntrico e de fácil acceso.

José María Hernández indicou finalmente que «Marea Ártabra loitará para lograr a cesión gratuíta deste edificio para o Concello de Ferrol e darlle o uso social que o Barrio da Magdalena merece».

Lea también

Psoe Ferrol «hai fórmulas para a estabilidade económica de Emafesa sen subirlle o recibo aos veciños»

O grupo municipal socialista cree que «hai outras formulas para conseguir a estabilidade económica de …

2 comentarios

  1. Todo gratis, y pisos gratis también y así ya no trabaja nadie y vivimos todos felices. Venga fiesta comunista.

  2. A semana próxima a Marea Ártabra anunciará a retirada da súa candidatura