Incompetencia administrativa do concello de Ferrol no mercado de Caranza

carta-directorSr. Director:

Con data 27 de Febreiro, o posto nº 28 do Mercado Municipal de Caranza (posto que está pechado e sen actividade económica algunha) tivo lugar unha fuga de auga que afectou á miña carnicería, posto contiguo a onde se presentou a inundación de augas.

Esta inundación causou desperfectos que non cheguei incluír na reclamación que metín ao rexistro do Concello (por ex: os días que mantiven pechado o negocio mentres se arranxaba a avaría) e só reclamei os 229,90 € da reparación.

Fixen todo o que me pediron no Concello presentando dúas reclamacións: unha informando da avaría e outra adxuntando a factura do arranxo.

Durante varios días acerqueime ao concello para resolver a situación e, non só non valeu para nada, se non que me comunicaron que hai máis de cen expedientes na mesma situación e que a demora pode chegar aos seis meses para darme unha simple resposta.

Resulta increíble que unha persoa autónoma teña que poñer 229,90 euros do seu peto sabendo cal é a situación actual do mercado de Caranza e os seus comerciantes, cando podería estar resolto dándolle unha tecla ao ordeador e efectuar o pago. Ademais as persoas traballadoras do Mercado pagamos anualmente unha cota de mantemento do lugar que a todas luces non reverte no acondicionamento do mesmo.

Queremos facelo público pensando neses máis de cen expedientes para que a xente na mesma situación saiba que teñen que agardar por unha resposta como mínimo seis meses.

Grazas pola divulgación, José Manuel Suárez Loureda

Lea también

«Es el único acontecimiento de Ferrol que nos pone a todos de acuerdo» (Mari Pepa Antón, pregonera de la Semana Santa Ferrolana)

(P.S.)-Entre “sonrisas y lágrimas” y a escasas horas de que se de el pistoletazo oficial …