Arrancan as obras para a construción do novo acceso ao pantalán das Forcadas

O Concello de Valdoviño iniciou esta semana a construción do novo acceso ao pantalán das Forcadas, sendo unha actuación que permitirá ensanchar considerablemente a pista actual e facilitar así o paso de autocares e tamén turismos con remolque.

Ata o dagora, o acceso está vetado para este tipo de vehículos, co que as persoas¡ que acuden ás actividades náuticas na zona e utilizan o transporte público para o seu desprazamento deben realizar a pé unha parte do percorrido. Así mesmo, ó non poder acceder con remolques, o traslado do material resulta unha tarefa non pouca compricada. Dar solución a ambas cuestións foron as principais motivacións para plantear a actuación que se desenvolve estes días e que o Concello prevé concluír este mesmo mes. O novo acceso contará con catro metros de ancho. Así mesmo, os traballos contemplan o asfaltado da vía, de 160 metros de lonxitude.

Paralelamente, e grazas á cesión de terreos de veciños e tamén da Cooperativa de Vilaboa, o Concello está a habilitar unha zona de aparcadoiro no entorno. O orzamento é de 28.000 euros, cofinanciado ó 50% por Concello e Xunta a través dunha subvención da Dirección Xeral de Turismo solicitada pola Administración local.

Lea también

La Junta Local de Seguridad evalúa el índice de criminalidad del Concello de Mugardos

La Junta Local de Seguridad que se celebró la pasada semana en Mugardos analizó el …