Concerto e Festa pecharán a programación de Nadal en Narón

O municipio naronés acolle hoxe novos actos do programa de Nadal, que está obtendo unha moi boa acollida por parteda veciñanza, á que desde o goberno local se agradece a súa participación e implicación. Tanto é así que onte pola tarde, acudiron ao espectáculo BBCircus, da compañía Asacocircus, -celebrado no Pazo- máis de setecentas persoas. As propostas desta tarde inclúen o tradicional Concerto de Fin de Ano de Sementeira, no que actuarán os integrantes da Banda Infantil e da Xove Banda de Narón, da Asociación Cultural Musical Sementeira. A entrada ao concerto, que dará comezo ás 20 horas no Pazo da Cultura, ten un prezo de dous euros e pode adquirirse na billeteira do Pazo.

Así mesmo, o Nadal Máxico trasladarase esta tarde á praza do colexio de Xuvia. Alí terá lugar unha festa de fin de ano infantil, Benvido 2017!, entre as 16:30 e as 20 horas aproximadamente. Os asistentes terán a oportunidade de participar nos obradoiros convocados no marco desta iniciativa e tamén haberá un espazo reservado para os máis pequenos con actividades e dous carros nos que se entregarán aos nenos e nenas, de balde, pombas de millo e algodón de azucre.

Ás 17 horas o Centro Comunitario Manuela Pérez Sequeiros acollerá hoxe a quinta edición do Encontro Municipal Interxeracional de Cantigas Populares, que este ano contará coas actuacións do Coro de Voces Brancas de Mugardos; o Coro Solidarium, do IES Terra de Trasancos, a Coral Municipal de Narón e a agrupación Machucambos, de Pontedeume.

E para rematar a semana, a noite do 31 de decembro ao 1 de xaneiro celebrarase na Praza de Galicia a tradicional Festa de Fin de Ano, que dará comezo cunha sesión de pirotecnia, a partir das 00:45 horas. A continuación, terá lugar a actuación da orquestra New York, nun dos escenarios da carpa instalada na citada praza. Ao remate da mesma, e noutro dos escenarios habilitados baixo a carpa, actuarán varios DJ´s. O Concello acolleu unha reunión na que participaron, ademáis de edís da corporación local, responsables da Policía Local, do Servizo de Prevención, Extinción de Incendios e Salvamento (Speis) de Narón, e da empresa organizadora, para abordar a normativa requerida para este tipo de eventos, entre a que se contemplan, entre outras medidas, a prohibición da venda de bebidas alcohólicas a menores de 18 anos e o seu o acceso sen ir acompañados dunha persoa adulta.

Lea también

O BNG de Narón votará a favor do PMUS do concello por recoller as súas propostas

O BNG de Narón a través dun comunicado expresa o seguinte «consideramos o espazo público como …